गृहमन्त्रीविरुद्ध लेख्ने युवकलाई यातना दिएको बारे ब्यूरोले दियो प्रष्टिकरण, ‘भिडियो र समाचारमा सत्यता छैन’
नेपालबहस संवाददाता
बैशाख १३, २०८१ बिहिबार १३:१७:३६
१३ वैशाख, काठमाडौं । सामाजिक सञ्जालमा गृहमन्त्री रवि लामिछानेको आलोचना गरेको अभियोगमा पक्राउ गरिएका एक युवकलाई नेपाल प्रहरीले चरम यातना दिएको भन्ने समाचारप्रति नेपाल प्रहरीको साइबर ब्यूरोले ध्यानाकर्षण भएको जनाएको छ । ब्यूरोले एक विज्ञप्ति निकाल्दै काठमाडौँको कीर्तिपुर बस्ने जाजरकोटका गणेशमान सिंहले पोष्ट गरेको भिडियोमा सत्यता नभएको प्रष्टीकरण दिएको हाे ।
ब्यूरोले सिंहले गरेको अश्लील पोष्टबारे अनुसन्धान भइरहेको जनाएको छ । ब्यूरोले हाल सामाजिक सञ्जालमा भाइरल भएको भिडियोप्रति गम्भीर ध्यानाकर्षण भएको जनाउँदै यसबारे आएका समाचार र भिडियोमा सत्यता नभएको दावी गरेको छ । हाल सामाजिक सञ्जालमा गृहमन्त्री रवि लामिछानेले सहकारी ठगी गरेको भन्दै फेसबुकमा कमेन्ट गरेको आधारमा साइबर ब्यूरोले आफूलाई यातना दिएको भन्दै ती युवाले आफूले विष सेवन गर्न बाध्य भएको उल्लेख गरेको भिडियो सामाजिक सञ्जालमा भाइरल भएको थियो ।
ब्यूरोले फेसबुकमा अश्लील सामग्री प्रकाशन गरेको विषयमा ब्यूरोले अनुसन्धान गर्न बोलाएको स्पष्ट गर्दै सोही क्रममा उनले २ स्ट्रिप सिटामोल खाएको जानकारी प्राप्त हुना साथ उनलाई वीर अस्पताल लागिएको जानकारी दिएको छ । साथै साइबर ब्यूरोले अनुसन्धानमा बाधा पुर्याउन उनले फेसबुकमा गलत भिडियो बनाएर पोष्ट गरेको र सो भिडियोमा उल्लेख गरिएका विषयमा कुनै सत्यता नभएको दावी गरेको छ ।
जाजरकोटका सिंहको अहिले कीर्तिपुर अस्पतालकाे आईसीयूमा राखेर उपचार हुँदैछ । गृहमन्त्रीको फेसबुक पेजमा ‘सहकारी ठग’ भनेर कमेन्ट गरेपछि आफूलाई ब्यूरोका अनुसन्धान अधिकृतहरूले जेल हाल्ने धम्की दिएको सिंहले जिकिर गरेका छन् । फेसबुकमा सञ्चार भएको भिडियोमा उनले भनेका छन,‘धम्की दिएपछि मैले औषधि सेवन गरेँ ।’ सिंहले प्यारा सिटामोल खाएको मेडिकल रिपोर्टबाट देखिएको छ ।
ब्यूरोका अनुसार सिंहले इलामको एउटा होटलमा ‘वेश्यावृत्ति हुन्छ’ भन्ने सन्देश सामाजिक सञ्जालमा पोस्ट गरेका थिए । त्यसबारे प्रहरी महानिरीक्षकको सचिवालयमा उजुरी आयो । उजुरी आएपछि प्रहरी प्रधान कार्यालयले त्यसबारे अनुसन्धान गर्न उनलाई बोलाइएको थियो । सिंहले ६–७ वर्ष जेल हाल्छौँ भनेर साइबर ब्यूरोका प्रहरीले भनेको जिकिर गरेका छन् । तर, अनुसन्धान अधिकृतहरूले सो कुरा भन्दै नभएको दावी गरेका छन् ।
ब्यूरोले बोलाएपछि त्रिभुवन विश्वविद्यालय कीर्तिपुरका एक जना विद्यार्थी नेतालाई उनले फोन गरेर भनेका थिए । ती विद्यार्थी नेतासँग उनले ‘विष खान्छु’ भनेपछि विद्यार्थी नेताले त्यसबारे प्रहरीलाई भनेका हुन् । साइबर ब्यूरोले विज्ञप्ति प्रकाशन गरेर सामाजिक सञ्जालमा प्रसारित भिडियो भ्रमपूर्ण भएको दाबी गरेको छ । ब्यूरोको विज्ञप्तिमा भनिएको छ,‘भ्रमपूर्ण भिडियो सन्देशमा कुनै सत्यता नरहेको ब्यहोरा सबैमा अनुरोध गर्दै यस्ता भ्रमपूर्ण सामग्री प्रचार प्रसार गरेको पाइएमा कानुन बमोजिम कारबाही हुने ब्यहोरा समेत अनुरोध गरिएको छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
दक्षता अभिवृद्धिका लागि ५१ जनालाई ट्राफिक प्रशासन तालिम सञ्चालन
बैशाख २३, २०८१ आइतबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
नेपालबहस संवाददाता
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
नेपालबहस संवाददाता
बैशाख २४, २०८१ सोमबार
आइतबार नै नेकपा एस विभाजन गराउने रणनीति थियो, संख्या नपुग्दा रोकियो
बैशाख २४, २०८१ सोमबार
दुई महिना कै बीचमा इलाम र सिराहाका प्रहरी प्रमुख फेरिए
बैशाख २४, २०८१ सोमबार
ओली भष्मासुर हुन, सिध्याउनुपर्छ भन्थे, उनैलाई सिध्याए
बैशाख २४, २०८१ सोमबार
तामाङ र नेपाल भाषा दिवस र्याली
बैशाख २४, २०८१ सोमबार
एनआईसी एशिया बैंकद्वारा राष्ट्रिय महिला फुटबल टोलीलाई सम्मान
बैशाख २४, २०८१ सोमबार
डढेलो नियन्त्रण गर्न प्रभावकारी समन्वय जरुरी : विज्ञ
बैशाख २४, २०८१ सोमबार
ग्लोबल आइएमई बैंक र बडीमालिका नगरपालिकाबीच कर्जा सहजीकरण सम्झौता
बैशाख २४, २०८१ सोमबार
ललितपुर आगलागीमा घाइते भएका दुई बालिकाको मृत्यु, दुईको अवस्था गम्भीर
बैशाख २४, २०८१ सोमबार
डिभोर्स गर्न अदालत पुगेका श्रीमानद्वारा श्रीमती कुटिए
बैशाख २४, २०८१ सोमबार