निर्वाचन निर्देशिकाको व्यवस्थामाथि प्रश्न उठाउँदै विश्वकर्माले दिए राजिनामा

१६ भदौ, काठमाडौं । निर्वाचन निर्देशिकाको व्यवस्थामाथि प्रश्न उठाउँदै नेपाली कांग्रेसका केन्द्रीय सदस्य मीन विश्वकर्माले पदबाट राजीनामा दिएका छन्। उनले केन्द्रीय सदस्य र नेपाल दलित संघको केन्द्रीय अध्यक्ष पदबाटसमेत राजीनामा दिएका हुन् ।

विश्वकर्माले एक विज्ञप्ति जारी गर्दै निर्वाचन निर्देशिकाको व्यवस्थामाथि प्रश्न उठाएका छन्। कांग्रेसमा दलित समुदायको सहभागिता केही समयपछि शुन्य हुने देखिएको भन्दै उनले निर्वाचन निर्देशिकाको विरोध गरेका छन्। सभापतिसमेत रहेका प्रधानमन्त्री शेरबहादुर देउवा र प्रवक्ता विश्वप्रकाश शर्मालाई फोनमार्फत् राजीनामाको जानकारी गराएका थिए । उनी राजीनामा पत्र बुझाउन पार्टी केन्द्रीय कार्यालय सानेपा पुगेका थिए ।