मेयर र उपमेयरको ग्याङ फाइट,धनुषा तनावग्रस्त

जनकपुरधाम । धनुषाको हंसपुर नगरपालिकाका मेयर र उपमेयर समुहबीच झडप भएको छ उनिहरुबीचको विवादले झडपको रुप लिएको हो ।

मेयर र उपमेयर पक्षधरहरुबीच झडपको स्थिति सिर्जना भएपछि स्थिति नियन्त्रणमा लिन प्रहरीले लाठी र अश्रु ग्याँस समेत प्रहार गरेको छ । उक्त प्रहारबाट ६ जना व्यक्ति घाइते भएका छन् । मेयर र उपमेयरबीच नगरपालिकाको कार्यालय सञ्चालनसम्बन्धी विवाद थियो । मेयर राम ज्ञान मण्डल र उपमेयर रेणु झाले छुट्टा–छुट्टै ठाउँमा कार्यालय सञ्चालन गरिरहेका थिए । मंगलबार दिउँसो प्रहरीसमेत सहयोगमा मेयर मण्डल पक्षका व्यक्तिले उपमेयर रेणु झाले छुट्टै सञ्चालन गरेको कार्यालयबाट केही सामग्री लिन खोजेपछि झडपको स्थिति सिर्जना भएको प्रमुख जिल्ला अधिकारी प्रदिपराज कणेलले बताइएका छन् ।

झडपमा उपमेयर झासहित वडा नम्बर २ का वडाध्यक्ष उदय साह, तपेश्वर मण्डल, फेकन कापर, पुण्य खत्री लगायतघाइते भएका छन् । घाइतेमध्ये तपेश्वर मण्डलको अवस्था चिन्ताजनक रहेको जनाइएको छ । उनको उपचारका लागि जनकपुरस्थित अञ्चल अस्पतालमा पठाइएको जनाइएको छ ।