आज पनि भारी वर्षाको सम्भावना

९ भदौ,काठमाडौं । मुलुकभर सोमबारको मौमस पनि दिनभर जसो बदली भएर अधिकांश स्थानमा पानी पर्ने सम्भावना रहेको जल तथा मौसम पूर्वानुमान महाशाखाले जनाएको छ ।

मौसमविदका अनुसार देशभरी आंशिक देखि सामान्य बदली रही केही स्थानहरुमा मेघगर्जन र चट्टयाङ्सहित हल्का देखि मध्यम वर्षा हुने सम्भावना छ।

यस्तै देशका पश्चिमी भूभागका एकदुई स्थानमा भारी वर्षाको सम्भावना रहेको महाशाखाले जारी गरेको सूचनामा उल्लेख छ । रातिको मौसम पनि दिउँसोको जस्तै रहने सूचनामा उल्लेख छ ।

मनसुनी न्यून चापीय रेखा औसत स्थान भन्दा केहि दक्षिण तर्फ सरेको छ। साथै भारतको मध्य प्रदेशको उत्तरी भाग तथा आसपासका क्षेत्रमा एउटा न्यून चापीय प्रणाली रहेको छ।

आगामी तीन दिनको मौसम पूर्वानुमान

भाद्र ९ गते (सोमबार)

दिउँसो: देशभरी आंशिक देखि सामान्य बदली रही केही स्थानहरुमा मेघ गर्जन र चट्टयांग सहित हल्का देखि मध्यम वर्षा हुने सम्भावना छ। देशको पश्चिमी भू-भागका एक/दुईस्थानमा भारी वर्षाको सम्भावना रहेको छ |

राती: देशभरी सामान्य बदली रही केही स्थानहरुमा मेघ गर्जन र चट्टयांग सहित हल्का देखि मध्यम वर्षा हुने सम्भावना छ| पश्चिमी भू-भागका एक/ दुई स्थानमा भारी वर्षाको सम्भावना रहेको छ |

भाद्र १० गते (मंगलबार)

दिउँसो: देशभरी आंशिक देखि सामान्य बदली रही केही स्थानहरुमा मेघ गर्जन रचट्टयांग सहित वर्षा हुनेछ।पश्चिमी भू-भागका एक/दुई स्थानमा भारी वर्षाकोसम्भावना रहेको छ |

राती: देशभरी आंशिक देखि सामान्य बदली रही थोरै स्थानहरुमा मेघ गर्जन रचट्टयांग सहितहल्का देखि मध्यमवर्षा हुनेछ |

भाद्र ११ गते (बुधबार)

दिउँसो: देशभरी आंशिक देखि सामान्य बदली रही केही स्थानहरुमा मेघ गर्जन रचट्टयांग सहित सहितहल्का देखि मध्यम वर्षा हुनेछ।

राती: देशभरी आंशिक देखि सामान्य बदली रही केही स्थानहरुमा मेघ गर्जन रचट्टयांग सहितहल्का देखि मध्यमवर्षा हुनेछ |

आगामी २४ घण्टाका लागि चेतावनी तथा परामर्श (Warning/Advisory for next 24 hrs.):

देशभरी सामान्य बदली रही केही स्थानहरुमा मेघ गर्जन र चट्टयांग सहित वर्षा हुने सम्भावना रहेकोले मेघगर्जन/चट्याङ्गबाट बच्न आवश्यक सतर्कता अपनाउन अनुरोध छ।

देशको पश्चिमी भू-भागका एक दुई स्थानमा भारी वर्षाको सम्भावना छ। यी स्थानमा यात्रा गर्ने सर्वसाधारणलाई सतर्कता अपनाउन अनुरोध गरिन्छ।