माछापुच्छ्रे डिबेन्चर २०८५ बाँडफाँड

१३ भदौ, काठमाडौं । माछापुच्छ्रे बैंक लिमिटेडले मिति २०७६/०४/०६ गते सोमबारदेखि जारी गरेको रु.३ अर्ब बराबरको ऋणपत्र मिति २०७६ साल भाद्र १३ गते शुक्रबार ३०,००,०००/– कित्ता ऋणपत्रहरुमा समानुपातिक रुपले बाँडफाँड गरेको छ । ‘माछापुच्छ्रे बैंकको १०.२५, माछापुच्छ्रे डिबेन्चर २०८५’ काे उक्त ऋणपत्रक लागि आवेदन दिने सम्पूर्ण लगानीकर्ताहरुलाई धन्यवाद समेत ज्ञापन गरेको छ ।

सबल, उत्कृष्ठ एंव विस्तारित पहिचान बनाएको माछापुच्छ्रे बैंकमा ग्राहकको अपार माया एंव विश्वासको फलस्वरुप बैंकले जारी गरेको ऋणपत्रले नेपालको पूँजी बजारलाई विकासित गर्न सकरात्मक भूमिका निर्वाह गर्ने विश्वास समेत बैंकले लिएको छ । बैंकले आझ साँझ एक विज्ञप्ति नकालेर निकट भविष्यमा उक्त ऋणपत्र नेपाल स्टक एक्सचेञ्ज लिमिटेडमा सूचीकरण गरिने जानकारी दिएको छ । उक्त ऋणपत्रको बिक्री प्रबन्धक एन.एम.बी क्यापिटल रहेको बैंकले जनाएको छ ।

माछापुच्छ्रे बैंक लिमिटेडले पूर्वमा झापादेखि पश्चिममा कन्चनपुरसाथै हिमालदेखि पहाड र तराई गरी सातै प्रदेशमा आफ्ना १३६ वटा शाखाहरु र १२१ शाखारहित बैकिङ्ग सेवासमेत गरी जम्मा २५७ स्थानबाट ७ लाख भन्दा बढी ग्राहक महानुभावहरुमा सम्पुर्ण बैंकिङ्ग सुबिधा प्रदान गरिरहेको छ । साथै, बैंकको देशभर १५८ वटा एटीएमहरु संचालनमा रहेको छन् ।