संविधानको मर्म र भावना मारेर विधेयक र ऐन निर्माण हुँदा व्यापक जनविरोध : नेता भण्डारी

१४ भदौ, काठमाडौं । नेपाली कांग्रेसका केन्द्रीय सदस्य चन्द्र भण्डारीले व्यक्ति खराब हुँदैमा सङ्घीयता र संविधान नै खराब हो भन्दै हिँड्नु दरिद्र चिन्तन भएको बताए । सरकारले संसदमा प्रस्तुत गरेका ऐन र विधेयकले संविधानको मर्मलाई नछोएको बताए । संविधानको भावना विपरितका विधेयकका कारण सरकारले व्यापक जनविरोध खेप्नुपरेको बताए । उनले भ्रष्टचार नियन्त्रण गर्न सरकार चुकेको, कालो बजारी र मुल्य बृद्धी नियन्त्रण गर्न असफल भएको, जनभावनाको मर्म अनुरुप अगाडी बढ्न नसकेको दाबी गर्दै वाइड वडीमा कांग्रेसका नेता दोषी छन् भने कारवाही गर्न सरकारलाई चुनौती दिए ।

त्यसैगरी राष्ट्रियसभाका सदस्य दिननाथ शर्माले सम्बन्धित मन्त्रीले संविधान अनूकुल ऐन बनाउन नसकेको बताएका छन् । रिपोटर्स क्लबले आज आयोजना गरेको साक्षात्कार कार्यक्रमममा उनले त्यसका कारण सरकारको विरोध बढ्दै गएको धारणा राखे । राष्ट्रिय जनता पार्टीका नेता लक्ष्मणलाल कर्णले वर्तमान संविधान संशोधनमा सरकारले ध्यान नदिएको आरोप लगाए ।