यस्तो छ, पूर्वराजा ज्ञानेन्द्र शाहको बडादशैंको कार्यक्रम

१८ असोज काठमाडौं । बडादशैंको अवसरमा पूर्वराजा ज्ञानेन्द्र शाहको बडादशैंको तालिका सार्वजनिक भएको छ ।बडादशैंको उपलक्ष्यमा महाअष्टमीका दिन पूर्वराजाले आइतबार अपरान्ह उपत्यकाका शक्ति पीठहरूको दर्शन गर्ने कार्य तालिका रहेको छ ।

पूर्वराजाले नक्साल भगवती, गुह्यश्वरी, मैतीदेवी, कालिकास्थान, भद्रकाली, संकटा, नरदेवी, रक्तकाली, शोभा भगवती र ईन्द्रायणीको दर्शन गर्ने कार्यक्रम रहेको उनको संवाद सचिवालयले जनाएको छ ।

त्यस्तै पूर्वराजाले विजया दशमीको दिन इच्छुकवर्गलाई टीकासमेत लगाइदिने भएका छन् । मंगलबार अपरान्ह ४ बजेपछि उनले दशैंको टीका लगाइदिने कार्यक्रम रहेको सचिवालयले तालिका सार्वजनिक गरेको हो ।