माधव नेपालको बढ्दो छटपटी, जिल्ला नेता र कार्यकर्ताले पनि साथ छोड्ने संकेत
नेपालबहस संवाददाता
कात्तिक २०, २०७६ बुधबार २०:४०:४
२० कार्तिक, काठमाडौं । झण्डै डेढ दशक नेपाल कम्युनिष्ट पार्टी (एमाले) को नेतृत्व तहमा रहेका नेता माधवकुमार नेपालको पछिल्लो अवस्था दयनीय र टिठ लाग्दो बन्न पुगेको छ । पार्टी महाधिवेशन र संसदीय दलको निर्वाचनमा खड्गप्रसाद ओलीको बोलीरुपी गोली चलेपछि माधवको हालत हेर्न लायक बन्न पुगेको छ ।
हिजोसम्म पार्टीमा एकलौटी रजगज गरेका उनी अहिले पानी बिनाको माछाको हालतमा छटपटाउन थालेका छन् । पूर्वमाओवादी पक्षसँग एकता प्रकृया सुरु भएपछि त उनको हालत अझै नाजुक भएको छ ।
एकता प्रकया थालिएपछि उनी हरेक पल कमजोर बन्न थालेका छन् । पूर्वमाओवादी पक्षसँग एकता थालिएपछि स्थापना भएको नेपाल कम्युनिष्ट पार्टीको सबैभन्दा उपल्लो निकाय सचिवालय बैठकमा उनी एक्लो र निरिह हुन थालेका छन् ।
सचिवालय बैठकमा फगत साक्षी किनारा सदर बन्ने स्थिति आएपछि आफ्नो भूमिका बदल्ने कसरतमा उनी लागेका छन् । गएको सोमबारको सचिवालय बैठकमा उनको सिफारिशमा एकजना पनि प्रदेश प्रमुख नियुक्त हुने अवस्था नआएपछि उनी छटपटाउन थालेका छन् ।
सात जना प्रदेश प्रमुख मध्ये ओलीले चार जना र पुष्पकमल दाहाल प्रचण्डले तीन जनाको नाम पारित गराएपछि माधव फाल्तु जोकरको हैसियतमा खुम्चिएका छन् । आफ्नो प्रस्तावमा कुनै छलफल नै नगरी एकलौटी निर्णय भएपछि उनले असहमति जनाउँदै नोट अफ डिसेन्ट दर्ज गराए । यसअघिको सचिवालय वैठकमा समेत उनको हालत यस्तै भएको थियो । पार्टी भित्रको वरिष्ठता खोसिएपछि उनले गरेको प्रतिवाद कसैले साथ नदिई टाई–टाई फिस्स भएको थियो ।
छलफलमा नेता नेपालको कार्यशैलीको पनि चर्काे विरोध भएको स्रोत बताउँछ । माधव कम्रेडको अडान फिलतो हुँदा ओली पक्षधर हावी भएका हुन् – ती नेता भन्छन् विगतमा आफ्नो माग पूरा हुने वित्तिकै उनले अडान छाड्ने गर्नु भएकाले नै यो अवस्था आएको हो ।
पार्टी भित्र यस्तो नाजुक अवस्था निर्माण भएपछि माधवलाई उनी निकट नेताहरुले पनि विस्तारै साथ छाड्ने अवस्था आउने हो की भन्ने त्रासले पनि सताउन थालेको छ । त्यसैले उनी आफ्नो पकड र हैसियत बढाउन कसरी प्रस्तुत हुने भनेर निकट नेताहरुसँग श्रृङ्खलावद्ध छलफलमा जुटेका छन् । हिजो मंगलबार उनले दुई चरणमा यस्ता छलफल आयोजना गरे । निजी निवास कोटेश्वरमा उनले निकट नेताहरुसँग सम्वाद गरेका छन् ।
अब पार्टी बैठकमा ओलीको एकलौटी विरुद्ध जेहाद छेड्नुपर्ने सुझाव निकट नेताहरुले दिएको स्रोतको दावी छ । तर कसरी अघि बढ्ने भन्ने विषयमा भने यकिन गर्न भने बाँकीनै रहेको स्रोतको दावी छ ।
रणनीति भने अब परिवर्तन गर्नै पर्छ, नत्र ओलीले एकलौटी गर्ने र एकथरि नेता कार्यकर्तालाई पाखा पार्ने अवस्था निर्माण गरिंदैछ – नेपाल निकट एकजना नेताले भने । ओलीले आफ्ना कुरा नसुन्ने हो भने पार्टी वैठक बहिष्कार गर्नेसम्मको रणनीति अख्यिार गर्ने की भनेर पनि छलफल भएको उनले बताए ।
अहिले जस्तै केवल देखाउनका लागि मात्रै नोट अफ डिसेन्ट लेख्नुको अब कुनै तूक छैन । साथै यसरी चूपचाप बस्ने हो भने हामीप्रति आस्थावान नेता कार्यकर्ता पनि लाखापाखा लाग्न सक्छन्, त्यसैले कडा ढंगले प्रस्तुत हुनुपर्ने धेरैको राय थियो
तर कसरी जाँदा उपयुक्त हुन्छ भनेर जिल्ला तहका नेतासँग सम्वाद गरेपछि मात्र अगाडि बढ्दा उपयुक्त हुने ठहर बैठकले गरेको छ । साथै छलफलमा नेता नेपालको कार्यशैलीको पनि चर्काे विरोध भएको स्रोत बताउँछ । माधव कम्रेडको अडान फिलतो हुँदा ओली पक्षधर हावी भएका हुन् – ती नेता भन्छन् विगतमा आफ्नो माग पूरा हुने वित्तिकै नेपालले अडान छाड्ने गर्नु भएकाले नै यो अवस्था आएको हो ।
अब भने उनले यो प्रवृत्ति छाड्नु पर्छ, अनि मात्र ओली प्रवृत्तिसँग लड्न सकिन्छ । पार्टी भित्र अन्तरसंघर्ष बढाउनुको विकल्प छैन, आगमी महाधिवेशनसम्म नै जारी राख्नु पर्ने अवस्था छ – ती नेताले भने ।
अन्तरपार्टी संघर्ष गर्दा सुनुवाई भएन भने वहिष्कार पनि गर्नुपर्ने सुझाव दिइएको छ । अहिले जस्तै केवल देखाउनका लागि मात्रै नोट अफ डिसेन्ट लेख्नुको अब कुनै तूक छैन । साथै यसरी चूपचाप बस्ने हो भने हामीप्रति आस्थावान नेता कार्यकर्ता पनि लाखापाखा लाग्न सक्छन्, त्यसैले कडा ढंगले प्रस्तुत हुनुपर्ने धेरैको राय थियो – उनले भने ।
र याे पनि हेर्नुहाेस…
ओलीको स्वास्थ्य, सरकार र नेकपाको परिदृश्य
नेकपा भित्र भुसको आगो, माधव नेपाल नयाँ प्रमको तयारीमा
अधिनायकवादी ओलीका अगाडि निरिह माधव
माधव नेपालको नेतृत्वमा ने क पा टुक्रिँदै छ ?
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रचण्डको आदेशमा रोकिएको मुद्दा व्यूतिँदै, रविमाथि सम्पत्ति शुद्धीकरणमा अनुसन्धान हुने
कात्तिक ९, २०८१ शुक्रबार
एकीकृत समाजवादी विभाजनको तयारीः अध्यक्षमा थापा कि झाँक्री
कात्तिक ९, २०८१ शुक्रबार
प्रहरीले म्याद थप्ने भएपछि बयान नसकी नउठ्ने रविको बठ्याई
कात्तिक ७, २०८१ बुधबार
एकीकृत समाजवादी विभाजनको तयारीः अध्यक्षमा थापा कि झाँक्री
कुसुम सेञ्चुरी
कात्तिक ९, २०८१ शुक्रबार
रविलाई भैरहवा लगिँदै, जोशीलाई पुनः कास्की ल्याइँदै, अनुसन्धान थप फराकिलो बन्दै
कुसुम सेञ्चुरी
कात्तिक ७, २०८१ बुधबार
प्रहरीले म्याद थप्ने भएपछि बयान नसकी नउठ्ने रविको बठ्याई
नेपालबहस संवाददाता
कात्तिक ७, २०८१ बुधबार
एकीकृत समाजवादी विभाजनको तयारीः अध्यक्षमा थापा कि झाँक्री
कात्तिक ९, २०८१ शुक्रबार
प्रचण्डको आदेशमा रोकिएको मुद्दा व्यूतिँदै, रविमाथि सम्पत्ति शुद्धीकरणमा अनुसन्धान हुने
कात्तिक ९, २०८१ शुक्रबार
सुप्रिमबाट गोर्खा मिडियामा आएको १४ करोड २९ लाखमध्ये रवि र छविको नाममा ४ करोड ५० लाख
कात्तिक ९, २०८१ शुक्रबार
सडकबाट सरकारको विकल्प खोज्ने कुरा स्वीकार्य छैन
कात्तिक ९, २०८१ शुक्रबार
हिंस्रक खलनायक बन्दै नवाजुद्दीन सिद्दिकी
कात्तिक ९, २०८१ शुक्रबार
कांग्रेसको ऊर्जा तथा जलस्रोत विभागमा दश सदस्य थप
कात्तिक ९, २०८१ शुक्रबार
६२ वर्षपछि स्तरोन्नति हुन लागेका बुटवल–गोरुसिंगे सडक विस्तारको गर्न काम सुरु
कात्तिक ९, २०८१ शुक्रबार
बालुवाटारबाट सत्तारुढ दलले जारी गरे संयुक्त वक्तव्य
कात्तिक ९, २०८१ शुक्रबार
राखेपका पूर्व सदस्यसचिव राणाको निधन
कात्तिक ९, २०८१ शुक्रबार