मन्त्रिपरिषद पुनर्गठन : को थपिए को हटे [ हेर्नुस सूचीसहित ]

४ मंसिर काठमाडौं ।  प्रधानमन्त्री केपी शर्मा ओलीले बुधबार साँझ मन्त्रिपरिषद पुनर्गठन गरेका छन् । नियुक्त मन्त्रीहरूको शपथ बिहीबार बिहान ११ बजे राखिएको प्रधानमन्त्रीको सचिवालयले जानकारी दिएको छ ।

उनले केही मन्त्रीलाई हटाएका छन् भने केहीलाई नयाँ नियुक्त गरेका छन् । केहीको जिम्मेवारी हेरफेर गरेर राष्ट्रपति कार्यालयमा सूची पठाएको सचिवालय स्रोतले जनाएको छ । बुधबार साँझ मन्त्रिपरिषद पुनर्गठन भएसंगै सूची औपचारिक रुपमा सार्वजनिक भैइसकेको छ ।

यसअघि प्रधानमन्त्रीले बुधबार नै मन्त्रिपरिषद् पुनःगठन गर्ने तयारी गरेको जानकारी सचिवालयका नेताहरूलाई गराएका थिए । तर सचिवालयको बैठक लम्बिएकाले र अपराह्न चार बजे होटल याक एण्ड यत्तीमा आयोजित कार्यक्रममा सरिक हुनुपर्ने भएकाले शपथ बिहीबार बिहानका लागि राखिएको हो ।

राष्ट्रपति कार्यालयमा बुझाएको नयाँ सूची अनुसार ६ जना मन्त्री र ३ जना राज्यमन्त्री हटाएर उनीहरुको ठाउँमा नयाँ अनुहार ल्याएका छन् । प्रधानमन्त्रीले उपेन्द्र यादवलाई कानुन र भानुभक्त ढकाललाई स्वास्थ्य मन्त्रालयमा हेरफेर गरेका छन्।नयाँ मन्त्रीको सपथ बिहीबार बिहान ११ बजे देखि १ बजेको बीचमा गराउने तयारी रहेको एक मन्त्रीले बताए।

राष्ट्रपति कार्यालयमा बुझाइएको मन्त्रिपरिषद पुनर्गठन हेर्नुस सूचीसहित