ओलीको मन्त्रीमण्डल टाँय टाँय फिस्स

५ मंसिर काठमाडौं । प्रधानमन्त्री के पी शर्मा ओलीको वहुचर्चित मन्त्रिमण्डल पुनर्गठनले पार्टी भित्रको असन्तुष्टी छरपष्ट भएको छ । ६ जना मन्त्रीलाई अक्षम बनाएर गरिएको पुनर्गठनमा केही चर्चित नाम छुटाइएपछि यस्तो अवस्था देखिएको हो ।

खासगरी जनार्दशन शर्मा, सुरेन्द्र पाण्डे र महेश बस्नेतको नाम चर्चामै सीमित बनाइकोले ठूलै असन्तुष्टी बढेको छ । सूर्य चिन्ह लिएकै भरमा मन्त्री बनाइएका हृदयेश त्रिपाठीको आगमन धेरैलाई पचेको छैन ।

यस्तै मधेसी मोर्चाबाट आएर सांसद् र मन्त्री पड्काउन सफल रामेश्वर राय यादव पनि बद्नाम नेतामा पर्छन् ।यस्ता व्यक्तिलाई मन्त्री बनाइएपछि धेरै इमान्दार नेता कार्यकर्ता रुष्ट बनेका छन् ।

मन्त्री मण्डल पुनर्गठनमा ठूलै हलचल ल्याउने गरी प्रधानमन्त्री ओलीले गरेको फूर्ति आखिर टाइँ टाइँ फिस्स जस्तो भयो । पूर्व माओवादी पक्षबाट आगामी मन्त्रीका रुपमा चर्चामा ल्याइएका प्रभु साहले गरेको टिप्पणीले सरकारको आगामी दिन दशाको छनक दिएको छ ।

पार्टी अध्यक्ष पुष्पकमल दाहालको कार्यकारी अध्यक्षको पद प्राप्ती र बुहारी बीना मगरको थमौतीका पछाडिको कथाले प्रभु साह जस्ता धेरैको मन कुढिएको छ । आगामी दिनमा त्यसको प्रभाव र असर सार्वजनिक हुने अवस्थाको आंकलन गर्न सकिन्छ ।
मन्त्रीहरुको सपथ
नव नियुक्त मन्त्रीहरुले आजै राष्ट्रपति निवास शीतलनिवासमा सपथ ग्रहण लिएका छन् । राष्ट्रपति विद्यादेवी भण्डारीले नवनियुक्त छ जना मन्त्रीहरुलाई पद तथा गोपनीयताको सपथ गराइन् । यस्तै तीन जना नवनियुक्त राज्य मन्त्रीलाई प्रधानमन्त्री ओलीले सिंहदरबारमा पद तथा गोपनीयताको सपथ गराए ।

काम राम्रो तर पद चट
सरकारको सेवा प्रवाह र प्रभावकारिता बढाउन अब्बल काम गर्ने मन्त्रीहरु पनि पुनर्गठनमा फालिएका छन् । खासगरी सामान्य प्रशासन मन्त्री लालबाबु पण्डित , श्रम मन्त्री गोकर्ण विष्ट र आपूर्ति मन्त्री मात्रिका यादवले आफ्नो जिम्मेवारी राम्रोसँग पूरा गरेका थिए ।

तर प्रधामन्त्रीले यिनीहरुलाई रुचाएनन् । हटाइएका मन्त्रीहरुले अहिल्यै आफ्नो मुख खोलेका छैनन् । तर आवश्यक परेको बेला बोल्ने मनस्थिति बनाएका छन् । उद्योग र आपूर्तिबाट फालिएका यादवले चाहिं आफूलाई हटाएकोमा सन्तोष व्यक्त गरेका छन् ।