प्याजको भाउ ५ सय प्रतिशतले महंगाे

१० मंसिर काठमाडौं । तपाईको घरको भान्सामा दशैं, तिहार, छठ लगायतका पर्व सकिएसंगै हरेक तरकारीमा स्वादका लागि प्रयोग गरिने प्याजको भाउ एक वर्षमा झन्डै पाँच सय प्रतिशतले महँगो भएको छ । पछिल्लो समय भारतबाट वैधानिक रूपमा प्याज आउन छोडेसँगै यसको भाउ बढेको हो ।

कालीमाटी फलफूल तथा तरकारी बजार विकास समितिका अनुसार गएको वर्षको मंसिरमा प्रतिकेजी ३१ रुपियाँ थोक किनबेच भएको प्याज अहिले बढेर १७७ रुपियाँ थोकमै पुगेको छ । खुद्रा बजारमा प्याजको भाउ २०० देखि २२० रुपियाँसम्म कारोबार भइरहेको छ ।

समितिका अनुसार अघिल्लो वर्ष यो बेलामा कालीमाटीमा मात्रै भारतबाट दैनिक ९५ देखि १०० टन प्याज आयात हुने गरेकोमा अहिले औसतमा ५० टन मात्रै आएको छ । मागको आधा मात्रै प्याज आपूर्ति भएकाले मूल्य बढेको हो ।

भाउ अझै बढ्ने
नेपालमा प्याज उत्पादनको मौसम भर्खर सुरु भएको छ । भारतले प्याज निर्यातमा प्रतिबन्ध लगाएको छ । हाम्रोमा आठ-दश दिनभन्दा धेरै प्याज भण्डारण गर्न पनि सकिन्न । त्यसैले अहिले खुद्रा २०० देखि २२० रुपियाँसम्म पुगेको प्याजको भाउ थप बढ्न सक्ने व्यापारी बताउँछन् ।

उपभोक्ता अधिकारकर्मीहरू सरकारको अनुगमन नै नभएकाले प्याज व्यापारीले मनपरी भाउमा बिक्री गर्ने गरेको आरोप लगाउँछन् । उपभोक्ता हित अनुसन्धान मञ्चका अध्यक्ष माधव तिमिल्सिनाले बजारमा प्याज कम आएर भन्दा पनि व्यापारीको मनपरीका कारण भाउ महँगो भएको बताए ।

नेपालमा खपत हुने परिमाणमध्ये झन्डै ९८ प्रतिशत भारतकाे नासिक, कानपुर, इन्दौर, लखनऊ र सिमलालगायत स्थानबाट आयात हुन्छ । भन्सार विभागको तथ्याङ्कअनुसार आर्थिक वर्ष २०७५/७६ मा पाँच अर्ब ६२ करोड २५ लाख रुपियाँको प्याज आयात भएको थियो । काठमाडौँ उपत्यकामा मात्रै दैनिक २७० टन खपत हुन्छ ।

बङ्गलादेशमा पनि महँगो
भारतले दोस्रो देशमा निर्यात रोकेपछि बङ्गलादेशमा पनि यसको भाउ महँगो भएको छ । बङ्गलादेशमा प्याजको भाउ एक वर्षको बीचमा ८०० प्रतिशतसम्म बढेको समाचार सार्वजनिक भएको थियो । भारतमा प्याजको उत्पादनमा कमी आएपछि गएको असोजदेखि भारतले नेपाल र बङ्गलादेशमा प्याज निर्यात प्रतिबन्ध गरेको थियो ।

प्याजको मूल्य अत्यधिक बढेपछि बङ्गलादेशकी प्रधानमन्त्री सेख हसिनाले प्याज खान छाडेको पनि समाचार सार्वजनिक भएको थियो ।

यस्तो छ कातिमाटी तरकारी फलफूल बजार समितिका अनुसार आजको थोकमूल्य विवरण हेर्नुस :

दैनिक थोक मूल्य विवरण मंसिर  १०, २०७६ कृषि उपज ईकाइ न्यूनतम अधिकतम औसत गोलभेडा ठूलो(नेपाली) के.जी. ५० ६० ५५ ठूलो गोलभेडा(भारतीय) केजी ५० ६० ५५ गोलभेडा सानो के.जी. २५ ३० २८ गोलभेडा सानो(टनेल) के जी २५ ३५ ३० अालु रातो के.जी. ४२ ४४ ४३ आलु रातो(भारतीय) के जी ३५ ३७ ३६ अालु सेतो के.जी. ४० ४२ ४१ प्याज सुकेको के.जी. १८० २०० १९२ गाजर(लोकल) के.जी. ९५ १०० ९८ गाजर(तराई) केजी ८० ९० ८४ बन्दा(लोकल) के.जी. ५० ५५ ५२ बन्दा(नरिवल) केजी ५० ५५ ५२ काउली स्थानिय के.जी. ७५ ८० ७८ काउली तरार्इ के.जी. ७० ७५ ७२ मूला सेतो(लोकल) के.जी. ४० ४५ ४२ सेतो मूला(हाइब्रीड) केजी ४० ५० ४५ भन्टा लाम्चो के.जी. ३५ ४० ३८ भन्टा डल्लो के.जी. ३५ ४० ३८ बोडी(तने) के.जी. ५० ६० ५५ मकै बोडी केजी ५० ६० ५५ मटरकोशा के.जी. ११० १२० ११५ घिउ सिमी(लोकल) के.जी. ११० १२० ११५ घिउ सिमी(हाइब्रीड) केजी ११० १२० ११५ घिउ सिमी(राजमा) केजी ९५ १०० ९८ टाटे सिमी के.जी. ९० १०० ९५ तितो करेला के.जी. ६५ ७० ६८ लौका के.जी. ४५ ५० ४८ परवर(लोकल) के.जी. ६५ ७० ६८ फर्सी पाकेको के.जी. ४० ४५ ४२ हरियो फर्सी(डल्लो) केजी ५० ६० ५५ भिण्डी के.जी. ९५ १०० ९८ बरेला के.जी. ३५ ४० ३८ पिंडालू के.जी. ५० ६० ५५ स्कूस के.जी. १५ २० १८ रायो साग के.जी. ४० ५० ४५ पालूगो साग के.जी. ९० १०० ९५ चमसूरको साग के.जी. ९० १०० ९५ तोरीको साग के.जी. ४० ५० ४५ मेथीको साग के.जी. ९० १०० ९५ प्याज हरियो के.जी. ९० १०० ९५ बकूला के.जी. ९० १०० ९५ तरुल के.जी. ४५ ५० ४८ च्याउ(कन्य) के.जी. १६० १७० १६५ च्याउ(डल्ले) के जी ३४० ३५० ३४५ ब्रोकाउली के.जी. ९० १०० ९५ चुकुन्दर के.जी. ८० ९० ८५ जिरीको साग के.जी. ५० ६० ५५ सेलरी के.जी. २४० २५० २४५ पार्सले के.जी. २४० २५० २४५ सौफको साग के.जी. ९० १०० ९५ पुदीना के.जी. २४० २५० २४५ गान्टे मूला के.जी. ५० ६० ५५ इमली के.जी. १३० १४० १३५ तामा के.जी. ११० १२० ११५ तोफु के.जी. ९० १०० ९५ गुन्दुक के.जी. २३० २४० २३५ स्याउ(झोले) के.जी. ९० १०० ९५ केरा दर्जन ८० ९० ८५ कागती के.जी. १४० १५० १४५ अनार के.जी. १२० १३० १२५ सुन्तला(नेपाली) के.जी. ८० ९० ८५ सुन्तला(भारतीय) केजी १०० ११० १०५ तरबुजा(हरियो) के.जी. ५० ६० ५५ मौसम के.जी. १४० १५० १४५ भुर्इ कटहर प्रति गोटा १०० ११० १०५ काक्रो(लोकल) के.जी. १०० ११० १०५ काक्रो(हाइब्रीड) के जी ५० ६० ५५ नासपाती(चाइनिज) केजी १२० १३० १२५ मेवा(भारतीय) केजी १०० ११० १०५ लप्सी के.जी. ४५ ५० ४८ अदुवा के.जी. १२० १३० १२५ खु्र्सानी सुकेको के.जी. ३४० ३५० ३४५ खु्र्सानी हरियो के.जी. ५० ६० ५५ खुर्सानी हरियो(बुलेट) के जी ५० ६० ५५ खुर्सानी हरियो(अकबरे) के जी १७० १८० १७५ भेडे खु्र्सानी के.जी. ६० ७० ६५ लसुन हरियो के.जी. १४० १५० १४५ हरियो धनिया के.जी. ९० १०० ९५ लसुन सुकेको चाइनिज के.जी. १९० २०० १९५ लसुन सुकेको नेपाली के.जी. १९० २०० १९५ ताजा माछा(रहु) के जी २८० २८५ २८३ ताजा माछा(बचुवा) के जी २१५ २२० २१८ ताजा माछा(छडी) के जी २०० २१० २०५ ताजा माछा(म‌ंुगरी) के जी २३५ २४० २३८

स्रोत :नेपाल सरकार, कृषि तथा पशुपन्छी बिकास मन्त्रालय, कालीमाटी फलफूल तथा तरकारी बजार बिकास समिति ।।