आज त्रिविको ४५औँ दीक्षान्त समारोह, १० हजार विद्यार्थी दीक्षित हुँदै

३ पुस काठमाडौं । त्रिभुवन विश्वविद्यालय (त्रिवि) को ४५औँ दीक्षान्त समारोहमा बिहीबार हुँदैछ । प्रधानमन्त्री केपी शर्मा ओलीको अध्यक्षतामा हुने समारोहमा १० हजार १८४ विद्यार्थी दीक्षित हुँदै छन् ।

पुल्चोक इञ्जिनीयरिङ क्याम्पसमा हुने समारोहमा उत्कृष्ट अङ्क ल्याउने विद्यार्थीलाई विभिन्न विधाका ३१ वटा पदक-पुरस्कारसमेत प्रदान गरिने भएको दीक्षान्त समारोह समितिका सदस्य सचिव पशुपति अधिकारीले जानकारी दिए । समारोहमा करिब छ हजार ९०० अभिभावक सहभागी हुने भएका छन् ।