एकैपटक २४ एसपीको सरुवा, को–कहाँ पुगे ?

४ पुस काठमाडौं । प्रहरी महानिरीक्षक सर्वेन्द्र खनालले अवकाशकाे करिव २ महिना बाँकी रहँदै गर्दा नेपाल प्रहरीका २४ प्रहरी उपरीक्षक ‘एसपी’हरुको सरुवा गरेका छन् ।

सरुवा सुची अनुसार जिल्ला प्रहरी कार्यलय चितवनमा गंगा पन्तको सरुवा भएको छ भने चितवनका एसपी दानबहादुर मल्ललाई अन्तर्राष्ट्रिय बिमानस्थल सुरक्षा गार्डमा सरुवा गरिएकोछ । बिमानस्थल सुरक्षा गार्डका कृष्ण कोइरालाको झापा प्रहरी प्रमुखमा सरुवा भएको छ।

यस्तै धनुषामा रमेशकुमार बस्नेत, कंचनपुरमा मुकुन्द मरासनी र रौतहटमा रवीराज खड्काको सरुव भएको छ। अपराध महाशाखाका एसपी सुशिलसिंह राठौर मकवानपुर पुगेका छन् भने रन्जु सिग्देललाई सिन्धुली सरुवा गरिएको छ ।