बुर्किनाफासोमा विद्रोही आक्रमण : ३५ जनाको मृत्यु

९ पुस एजेन्सी । अफ्रिकी देश बुर्किनाफासोमा विद्रोहीको आक्रमणमा ३५ जनाको ज्यान गएको छ । मृत्यु हुनेमा अधिकांश महिला रहेको र सो आक्रमण विद्रोही संगठन इस्लामिक स्टेट ‘आइएस’ ले गरेको अनुमान छ ।

सैन्य बेसक्याम्प र स्थानीय बजारमा विद्रोहीले आक्रमण गरेको स्थानीय अधिकारीले बताएका छन् । बुर्किनाफासोमो उत्तरी प्रान्त सोउमको अर्बिन्दामा मंगलबार आक्रमण भएको छ ।

सेनाले गरेको जवाफी कारवाहीमा सात सैनिक र ८० जना बिद्रोहीको ज्यान गएको स्थानीय अधिकारीले बताएका छन् । राष्ट्रपति रोच मार्क क्रिष्टियन काबोरीले दुई दिने राष्ट्रिय शोकको घोषणा गरेका छन् ।

अहिलेसम्म औपचारिक रुपमा कुनै पनि समूहले आक्रमणको जिम्मेवारी लिएका छैनन् । डिसेम्बरको सुरुमा बुर्किनाफासोको पूर्वी क्षेत्रको एक चर्चमा बन्दुकधारीले अन्धाधुन्ध गोली चलाउँदा कम्तिमा १४ जनाको ज्यान गएको थियो ।सन् २०१५ यता बुर्किनाफासोमा बिद्रोही आक्रमण लगातार जस्तो हुँदै आएका छन् ।