बजार करिब ५ अंकले घट्दा, बिक्री चाप आएकै हो ? के देखाउँछ प्राविधिक विश्लेषणले

१३  पुष, काठमाडाैं । साताको पहिलो कारोवार दिन दोश्रो बजारले लगानीकर्तालाई निराश बनाएको छ । दोश्रो बजार सामान्य ४ दशमलव ९९ अंकले घटेको छ भने कारोवार रकम ४२ करोड २४ लाख पुगेको छ ।

दोश्रो बजार परिसूचकमा ० दशमलव ४३ प्रतिशतको गिरावट देखिएको छ । दोश्रो बजार करिब ५ अंकले घट्दै ११६२ दशमलव ४३ को विन्दुमा बन्द भएको छ । आज १८१ कम्पनीका १५ लाख ५४ हजार कित्ता शेयर खरिदबिक्री भएको छ ।

साल्ट ट्रेडिङ्ग कर्पोरेशनको बजार मूल्यमा सर्किट लागेसँगै ट्रेडिङ्ग उपसुचकमा सर्वाधिक वृद्धि देखियो । ट्रेडिङ्ग उपसुचकमा ७ दशमलव ९ प्रतिशतको वृद्धि देखिएको छ । त्यस्तै जीवन बीमा कम्पनीहरुको उपसुचकमा १ दशमलव ४३ प्रतिशतको वृद्धि देखियो ।

आज ट्रेडिङ्ग उपसुचक, फाईनान्स उपसुचक, अन्य उपसुचक र जीवन बीमा कम्पनीहरुको उपसुचकमा मात्र वृद्धि देखिएको छ । आज म्युचुअल फन्ड उपसुचकमा सर्वाधिक १ दशमलव ९२ प्रतिशतको गिरावट देखिएको छ ।

बजारले उच्च विन्दु ११ बजेर ०९ मिनेटमा समातेको थियो । बजारको आजको उच्च विन्दु ११६७ दशमलव ३४ रहेकोमा बजारले २ बजेर ४३ मिनेट जाँदा ११५९ दशमलव २१ को न्यून विन्दु समातेको थियो ।

आज साल्ट ट्रेडिङ्ग कर्पोरेशनको शेयर मूल्य सर्वाधिक ९ दशमलव ९८ प्रतिशतले वृद्धि भएको छ । सर्वाधिक गुमाउनेको सुचीमा सबैभन्दा माथि प्रोग्रेसिभ फाईनान्स रहेको छ । प्रोग्रेसिभ फाईनान्सको बजार मूल्य ६ दशमलव ६६ प्रतिशतले घटेको छ ।

हेरौं सर्वाधिक कमाउने  ५ कम्पनी:

हेरौं सर्वाधिक गुमाउने  ५ कम्पनी:

नेपाल लाईफ इन्स्योरेन्सको शेयर सर्वाधिक खरिदबिक्री भएको छ । नेपाल लाईफ इन्स्योरेन्सको ४ करोड ८४ लाखको शेयर खरिदबिक्री भएको छ । आज ९ वटा कम्पनीको  १ करोड माथिको शेयर खरिद बिक्री भएको छ ।

प्राविधिक विश्लेषण:
पहिलो प्रतिरोध : ११७५ देखि ११८२ को क्षेत्र

पहिलो टेवा : ११५०

• आज नेप्से सामान्य टेवा क्षेत्रभन्दा तल रहेको छ । यसले बजारमा बिक्रेताको चाप रहेको जानकारी दिएको छ । कारोबार रकम पनि घटेको छ ।
• आजको बजारले बियरिस मैनबत्ती आकृति बनाएको छ । यसले बजारमा आपूर्ती बढी रहेको जानकारी गराउँदछ ।
• दैनिकी अवधिमा “आरएसआई” ५९ दशमलब ३३ को बिन्दुमा छ । आरएसआई अक्सिलेटरले बजारमा विक्रेताको चाप केहि बढी रहेको जानकारी गराएको छ ।
• जोड र बिजोड “डाइरेक्सनल इन्डेक्स”हरुले बजारमा पुन विक्रेताको चाप हुन थालेको देखाएको छ ।
• “अन ब्यालेन्स भल्यूम” ले पनि बजारमा अब विक्रेताको चाप हुन सक्ने संकेत गरे पनि नेप्सेको प्रवृत्तिले हालसम्म समर्थन गरेको देखिन्दैन ।
• नेप्से बढेमा पहिलो प्रतिरोध ११७५को क्षेत्रमा पाउने देखिन्छ र घटेमा पहिलो टेवा ११५० को क्षेत्रमा पाउने देखिन्छ ।