गीजरमा पानी तताएर नुहाउदै हुनुहुन्छ ? होशियार !

२० पुस ललितपुर । तपाई हामी सबैलाई थाहा छ अहिले जाडो याम छ । चिसो पानीले नुहाउन, लुगा धुन, भाँडावर्तन सफा गर्न मुस्किल हुन्छ । यद्यपी पानी तताउने अनेक विकल्प छन् । त्यसमध्ये  एक हो, गीजर पनि ।

गीजर वा वाटर हिटर जाडो मौसममा जीवनशैलीको महत्वपूर्ण पाटो बन्न थालेको छ । जाडो मौसमको चिसो पानी छुन समेत डर लाग्छ । यस्तो अवस्थामा प्राय मानिसले गीजर प्रयोग गरेर तातोपानीको प्रयोग गर्छन् ।

शनिबार साँझ गीजरमा पानी तताएर नुहाउदै गर्दा सातदोबाटोस्थित सरिबा गर्ल्स होष्टेल बस्ने पर्सा बीरगंज घर भएकी १९ वर्षीया जोनित चौहानको बेहोस भएर मृत्यु भएको छ ।

होष्टेलको बाथरुममा गीजरमा नुहाउने क्रममा अचानक बेहोश भएपछि तत्काल पाटन अस्पताल लगिएकोमा उपचारको क्रममा उनको मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।