मेलामा गएको प्रहरीको गाडी दुर्घटना, एकको मृत्यु ३० घाइते

१ माघ काठमाडौं । प्रसिद्ध धार्मिक तीर्थस्थल देवघाटधाममा लागेको मकर सक्रान्ती मेलाको सुरक्षाकोलागि आएको प्रहरीको गाडी बुधबार साँझ तनहँुको देवघाट गाउँपालिका वडा नम्बर ५ स्थित कालिमाटीमा दुर्घटना हुँदा एक प्रहरीको मृत्यु भएको छ । मृत्यु हुनेमा प्रहरी जवान सन्दिप केसी रहेका छन् ।

मेलाको सुरक्षाकोलागि पोखरा स्थित प्रहरी गणबाट आएको बा १ ग २११८ नम्वरको गाडी फर्कने क्रममा दासढुङ्गा–देवघाट सडक खण्डको दासढुङ्गा पुल नजिकैको घुम्तीमा दुर्घटना जिल्ला प्रहरी कार्यालय तनहँुका डिएसपी लिलाराज लामिछानेले जानकारी दिए ।

सो गाडीमा ३४ प्रहरी सवार थिए । दुर्घटनामा ३० जना प्रहरी घाइते भएका छन् । घाईतेहरुको पुरानो मेडिकल कलेज चितवनमा उपचार भईरहेको डिएसपी लामिछानेले जानकारी दिए।