सुर्खेतमा ट्रकले ठक्कर दिँदा एक जनाको मृत्यु ,दोषीलाई कारबाही गर्न माग गर्दै प्रदर्शन

१७ माघ, काठमाडौं । सुर्खेत वीरेन्द्रनगरको जुम्लारोडस्थित पिपिरा चोक नजिकै शुक्रबार बिहान ट्रकले ट्याक्टरलाई ठक्कर दिँदा ट्याक्टर चालक जाजरकोटको चुनीचाँदे गाउँपालिका ७ का ३४ वर्षीय प्रेम कार्कीको मृत्यु भएको छ ।

सुब्बाकुनाबाट वीरेन्द्रनगर बजारतर्फ आउँदै गरेको भे १ त ७५८९ नम्बरको ट्याक्टरलाई पछाडीबाट आइरहेको लु१ख ७६७० नम्बरको ट्रकले ठक्कर दिएको थियो । ट्याक्टर चालकको मृत्यु भएपछि आफन्तले पिपिरा चोकमा दोषीलाई कारबाही गर्न माग गर्दै प्रदर्शन गरेका छन् ।