कोरोना संक्रमणको आशंकामा २ जना शुक्रराजमा भर्ना

१८ फागुन काठमाडौं । काठमाडौंमा नोवेल कोरोना भाइरसको संक्रमण भएको आशंकामा टेकुस्थित शुक्रराज ट्रपिकल तथा सरुवा रोग अस्पतालमा दुई जनालाई भर्ना गरिएको छ।

भर्ना भएका दुई जनामध्ये एक जना चीनबाट आएका र अर्का एकजना कोरियाबाट नेपाल फर्केका थिए। संक्रमित देशबाट फर्केका उनीहरु ज्वरो आएपछि आफै चेकजाँचका लागि अस्पताल पुगेको अस्पतालका प्रवक्ता डा. अनुप बास्तोलाले जानकारी दिए।

प्रवक्ता डा। बास्तोलाका अनुसार चीन र कोरियाबाट फर्केका उहाँहरु ज्वरो आएपछि अस्पताल आएका थिए । संक्रमणको अशंकामा हामीले आइसोलेसनमा राखेर नमुना परीक्षणका लागि पठाइसकेका छौँ।