कोरोनाका कारण मृत्यु हुनेको सङ्ख्या १० हजार नाघ्यो

७ चैत, एजेन्सी । कोरोना भाइरसका कारण मृत्यु हुनेको सङ्ख्या १० हजार नाघेको छ । एक सय ७९ देश र एउटा पानी जहाजमा फैलिएको कोरोनाका कारण अहिलेसम्म १० हजार ४८ जनाको मृत्यु भएको अन्तराष्ट्रिय सञ्चारमाध्यमले जनाएका छन् ।

झण्डै दुई लाख ४५ हजार ६ सय ३४ जना सङ्क्रमित भएकोमा ८८ हजार ४ सय ३७ जना उपचारपछि निको भएका छन् भने बाँकीको उपचार भइरहेको छ ।

कोरोनाको सङ्क्रमण सुरु भएको चीनमा भन्दा इटलीमा ज्यान गुमाउनेको सङ्ख्या धेरै पुगेको छ । चीनमा तीन हजार दुई सय ४८ जनाको मृत्यु भएको छ भने, इटलीमा तीन हजार चार सय ५ जनाको मृत्यु भएको छ ।

इटलीमा पछिल्लो २४ घण्टामा चार सय २७ जनाले ज्यान गुमाएका छन भने पाँच हजार तीन सय २२ जना नयाँ सङ्क्रमित थपिएका छन् । ४१ हजार ३५ जना सङ्क्रमित भएको इटलीमा चार हजार चार सय ४० जना उपचारपछि निको भएका छन् ।

इटली, इरान, स्पेन, फ्रान्स, अमेरिका, बेलायत लगायतका देशमा नयाँ सङ्क्रमण र मृत्यु हुनेको सङ्ख्या उच्च रहेको छ ।

कोरोना भाइरसका कारण मृत्यु हुनेको सङ्ख्या तथा ताजा अपडेटका लागी यहाँ क्लिक गर्नुस