कोरोना भाइरसको सङ्क्रमण फैलिने डरले श्रीलङ्कामा कर्फ्यु

७ चैत, काठमाडौं । कोरोना भाइरस ‘कोभिड–१९’ को सङ्क्रमण फैलिने डरले श्रीलङ्कामा शुक्रबार बेलुका ६ बजेदेखि आउँदो सोमबार बिहान ६ बजेसम्मका लागि कर्फ्यु आदेश जारी गरिएको छ ।

आउँदो वैशाख १३ गते तय भएको संसदीय चुनाव स्थगित गरिएको भोलिपल्ट सरकारले कर्फ्यु लगाउन आदेश जारी गरेको हो । यसअघि राष्ट्रपति गोताबाया राजपक्षले चुनाव सार्नुको पछाडि कुनै कारण नभए पनि सङ्क्रमण फैलिने डरले चुनाव सारिएको बताएका छन् । राष्ट्रपति राजपक्षले दुई तिहाइ बहुमतले संसद्मा जित्ने अपेक्षा गरेका छन्, जसले उनलाई संविधान परिवर्तन गर्ने अनुमति दिन्छ ।

पछिल्ला केही दिनमा श्रीलङ्कामा कोरोना भाइरस ‘कोभिड–१९’ को सङ्क्रमणको दरमा वृद्धि देखिएको छ । पछिल्लो तीन दिनमा सङ्क्रमितको सङ्ख्या दुई गुणाले बढेको हो । श्रीलंकामा ६० जनामा कोरोना संक्रमण भएकोमा ३ जना उपचारपछि निको भएका र अहिले ५७ जना उपचाररात रहेका छन ।

श्रीलङ्काको सरकारी मेडिकल अफिसर्स एसोसिएशनले श्रीलङ्कामा कोरोना भाइरसको सङ्क्रमण इटलीको भन्दा खराब हुनसक्ने ७ चेतावनी दिएका छन् ।