गृह भन्यो, अत्यावश्यक खाद्यवस्तु पसल निर्बाध रुपमा सञ्चालन गर्नुस

१२ चैत्र, काठमाडौं । सरकारले काेराेना भाइरसकाे राेकथाम र नियन्त्रणका लागी गरेकाे लकडाउनकाे बेला अत्यावश्यक खाद्यवस्तु बिक्री गर्ने पसलहरु खाेल्न अिपल गरेकाे छ ।

मंगलबार  ‘लकडाउन’को पहिलो दिन कतिपय आवश्यक खाद्यवस्तु बिक्री हुने पसल समेत बन्द देखिएपछि गृह मन्त्रालयले एक विज्ञिप्त जारी गर्दै खाद्यवस्तु विक्री गर्ने पसलहरु निर्बाध रुपमा सञ्चालन गर्न आग्रह गरेको हो ।

विज्ञिप्त भनिएकाे छ, स्वास्थ्य, सुरक्षा, खाद्यवस्तु, खानेपानी, दूध, विद्युत, दूरसञ्चार, भन्सार, फोहोरमैला व्यवस्थापनलगायत कारोबार गर्ने पसलहरु बन्द हुने छैनन ।

गृह मन्त्रालयका सहप्रवक्ता केदारनाथ शर्माद्वारा जारी विज्ञप्तिमा भनिएको छ ‘पहिलो दिन भएकाले आवश्यक वस्तु र सेवा सञ्चालन गर्ने निकायहरु फाट्टफुट्ट बन्द भएको पनि देखिएका छन्।

यस्तै नेपाल-भारत सीमामा अलपत्र परेकालाई प्रवेश दिइएको गृहले जनाएको छ । विज्ञप्तिमा ‘लकडाउन’को व्यवस्थालाई कार्यान्वयन गर्न आमनागरिकलाई आग्रह गरिएको छ।