अनामनगरको भाटभटेनी बन्द, नक्साल, कोटेश्वरमा दैनिक खुला

९ बैशाख काठमाडौं । कोरोना भाइरस रोकथाम तथा नियन्त्रयणका लागी सरकारले लागु गरेको लकडाउनका बेला केही दिन अघि दिनभर जसो संचालन हुने भाटभटेनी सुपरमार्केट बन्द भएको छ ।

 (कोभिड(१९) को संक्रमण फैलन नदिन अन्य साना पसलहरु बन्द भए पनि काठमाडौंको अनामनगरमा रहेको भाटभटेनीका भने खुलै थियो । काठमाडौं महानगरपालिका वडा नम्बर २९ का वडाध्यक्ष कुश ढकालले भाटभटेनी बन्द गराउन भनेका हुन् । शुरुमा अटेरी गरेपनि सोमबारबाट भने भाटभटेनी बन्द भएको छ।

सुरक्षाका लागि बाहिर दूरी कायम गर्न भनिए पनि भित्र पसेपछि भने ठूलो भीड लाग्ने गरेको थियो । भित्र दूरी कायम गर्ने अवस्था नहुने भएकाले संक्रमण फैलने उच्च जोखिममा रहेको भन्दै वडाध्यक्षले भाटभटेनी बन्द गराउनुपर्ने बताउँदै आएका थिए । अनामनगरको बन्द भए पनि नक्साल, कोटेश्वर लगायतका ठाउँहरुमा भने भाटभटेनी दैनिक खुला हुने गरेका छन् ।