लायन्स क्लब अफ काठमाडौं युनिकको सहयोग

२७ वैशाख, काठमाडौं । कोरोना कहरले देश लकडाउनमा परेक बेला सामाजिक सेवामा सक्रिय लायन्स क्लवले सहयोगको हात बढाउन अग्रसर भएको छ । यसैक्रममा लायन्स क्लब अफ काठमाडौं युनिकले आज दक्षिणकाली परिसरमा बस्ने २५ जना जोगी सन्यासीलाई सहयोग वितरण गरेको छ ।

लामो समयको लकडाउनबाट प्रभावित भएका जोगी सन्यासीलाई आवश्यक खाद्यान्न तथा नगदसमेत उपलव्ध गराएको क्लबका सचिव गणेश केसीले जानकारी दिए । वितरण गरिएको सहयोगमा चामल, दाल, नून, तेल रहेको पनि सचिव केसीले बताए । क्लबका अध्यक्ष अनिता शर्मा केसीको अध्यक्षतामा सम्पन सो कार्यक्रममा उक्त सहयोग वितरण गरिएको थियो ।

सो अवसरमा लायन्स क्लब, डिष्टिक ३२५ ए २ का पूर्व गभर्नर शुष्मा शर्मा, दक्षिण्काली नगरपालिका वडा नं. ५ का वडाध्यक्ष श्यामबहादुर खत्री, दक्षिणकाली मन्दिर व्यवस्थापन समितिका पूर्व अध्यक्ष अर्जुन रञ्जित, समाजसेवी सञ्जय खनाल दम्पतिका साथै क्लबका अन्य सदस्यहरुको उपस्थिति थियो । उक्त क्लबले संकटका बेला मानवीय सहयोग गर्दै आएको छ ।