पसल खोल्न पाउनुपर्ने माग गर्दै व्यवसायीको प्रदर्शन

२० जेठ, काठमाडौं । सरकारले जारी गरेको लकडाउनका कारण व्यापार व्यवसाय चौपट भएको भन्दै व्यापारीहरुले प्रदर्शन गरेका छन् ।

काठमाडौं जाेरपार्टीका व्यवसायीले पसल खोल्न पाउनुपर्ने माग गर्दै मंगलबार प्रदर्शन गरेका हुन् । सो क्रममा पसल बन्द गर्न अटेर गर्ने एकजनालाई प्रहरीले केहीबेर नियन्त्रणमा लिएर छाडेको छ ।

यसबारे स्थानीय प्रतिनिधिसँग छलफल गर्ने सहमति भएपछि व्यवसायीहरुले प्रदर्शन रोकेका छन् । पसल खोल्ने विषयमा गोकर्णेश्वर नगरपालिकाले पहल गर्ने आश्वसन दिएको छ ।

मुलुक ७१ दिनदेखि लकडाउनको अवस्थामा छ । सरकारले कोरोना भाइरस नियन्त्रणका लागि भन्दै गत चैत ११ गतेदेखि लकडाउन गरेको छ ।