चट्याङमा परी एक बृद्धको मृत्यु, एक जना घाइते

◊ धीरुभाइ

१८ असार सप्तरी । चट्याङमा परेर सप्तरीको डाक्नेश्वरी नगरपालिका ८ मा बिहीबार एक बृद्धको मृत्यु भएको छ भने एक जना घाइते भएका छन । डाक्नेश्वरी नगरपालिका ८ बस्ने बोकाई हलुवाईको छोरा अन्दाजी वर्ष ७० को धर्मी साहको चट्याङमा परेर मृत्यु भएको प्रहरीले जनाएको छ ।

आफ्नै खेतमा हलो जोतेर खेतको आलिमा बसिरहेको अवस्था चट्याङमा परेर उनको घटना स्थलमै मृत्यु भएको हो ।त्यस्तै सोही खेतमा काम गरिरहेकी सोही स्थानका तेज नारायण साहको छोरी अन्दाजी १७ वर्षकी कन्चना कुमारी साह घाइते भएका छन ।

उनको स्थानीय एक मेडिकलमा उपचार भइरहेको बताइइको छ । यसअघि गत असार ११ गते चट्याङ लागेर एकैदिन चार जनाको मृत्यु भएको थियो ।