पहिरोले राजमार्गका विभिन्न सडक अवरुद्ध

काठमाण्डौ । बर्षापछिको पहिरोका कारण विभिन्न राजमार्ग अवरुद्ध भएका छन । पहिरोले सिद्धार्थ राजमार्ग, कर्णाली राजमार्ग, लमजुङ–मनाङ सकडखण्ड, सुदुरपश्चिमको साँफे–मार्तडी सडकखण्ड, काठमाडौं–भीमफेदी सडकखण्ड पनि अवरुद्ध भएका हुन ।

पहिरोका कारण सिद्धार्थ राजमार्गमा गाडी चलेका छैनन् । कर्णाली राजमार्गको जुम्ला सडकखण्डमा पहिरो गएका कारण गाडी चल्न सकेका छैनन् । यस्तै लमजुङ–मनाङ सडकखण्डमा पहिरो हटाउने काम भइरहेपनि बाटो खुलिसकेको छैन ।

लमजुङको मस्र्याङ्दी गाउँपालिका ४ र बेशीशहर ६ मा हिजो पहिरो खसेको थियो । यस्तै म्याग्दी–जोमसोम सडकखण्डमा पनि हिजोदेखि गाडी चलेका छैनन् । यो सडकखण्डको विभिन्न ठाउँमा पहिरो खसेपछि गाडी चल्न नसकेको प्रहरीले जनाएको छ । पहिरोका कारण साँफे – मार्तडी सडकखण्ड पनि अवरुद्ध छ । बाजुराको बुढीगंगा नगरपालिका २ अम्कोटमा पहिरो गएकालेसडकखण्ड अवरुद्ध भएको हो ।

पहिरोका कारण काठमाडौँ मकवानपुर सडक पनि अबरुद्ध छ । पहिरो हटाउने काम भएपनि गाडी चल्न सक्ने अवस्था भइसकेको छैन । बाढी तथा पहिरोका कारण देशका अरु राजमार्गका भित्री सडक पनि अवरुद्ध छन ।