काठमाडौंमा चल्न थाले सार्वजनिक यातायात

काठमाडौं । आफ्ना माग पूरा नभएसम्म गाडी नचलाउने यातायात व्यवसायीले विस्तारै अडान छाडेर सडकमा यात्रुलाई सेवा दिन थालेका छन । सोमबार काठमाडौँका केही ठाउँमा सार्वजनिक गाडीले यात्रुलाई सेवा दिइरहेको देखिएको छ ।

मयुर यातायात र संयुक्त यातायातले सार्वजनिक बसेको सेवा थालेका छन । चलेका गाडीमा यात्रु निकै थोरै छन भने दुई सिट छाडेर यात्रु बसेको देखिन्छ । गाडीमा चढ्ने यात्रुलाई सहचालकले मास्क र स्यानिटाइजर दिएर स्वागत गरेको देखिन्छ ।

सरकारले गएको बिहीबार दोब्बर भाडा लिएर यातायात व्यवसायीलाई गाडी सञ्चालन गर्न दिने निर्णय गरेको थियो । तर व्यवसायीले भने स्वास्थ्य सुरक्षा नभएको भन्दै गाडी नचलाउने निर्णय गरेका थिए । महिनौदेखि थन्किएका गाडीको अवस्था हेरेर केही व्यवसायीले गाडी चलाउन थालेका छन ।