कास्की कांग्रेसद्धारा व्यवसायीलाई वैशाख र जेठको भाडा छुट

२२ भदौ, गण्डकी । नेपाली कांग्रेस कास्कीले पोखराको चिप्लेढुङ्गास्थित जय नेपाल मिनी मार्केटमा व्यवसाय सञ्चालन गर्दै आएका व्यवसायीलाई वैशाख र जेठ महिनाको भाडा छुट दिने निर्णय गररेको छ ।

कास्की कांग्रेसका पदाधिकारी, क्षेत्रीय सभापति र नगरसभापतिको आज सम्पन्न संयुक्त बैठकले आर्थिक सङ्कटका बेला व्यवसायीलाई राहत पुगोस् भन्ने उद्देश्यले पार्टीको स्वामित्वका मार्केटभित्रका १४ वटा सटरको दुई महिनाको भाडा छुट दिने निर्णय गरेको हो । बैठकले पार्टीका संस्थापक बिपी कोइरालाको १०७ औं जन्मजयन्तीको अवसरमा बाढिपहिरोमा मृत्यु भएकाको परिवारलाई सहयोग गर्ने कार्यक्रम तय गरेको प्रवक्ता नवीन सिग्देलले जानकारी दिए ।