राजविराज कारागारमा थप ११ सहित १५ जनामा कोरोना पुष्टि

धीरुभाइ

२५ भदौ, सप्तरी । सप्तरीमा बिहीबार दुई महिलासहित १५ जनामा कोरोना संक्रमण भेटिएको छ । तीमध्ये राजविराज कारागारका ११ जना पुरुष रहेका छन । योसँगै जिल्लामा कूल संक्रमितको संख्या ९८९ पुगेको छ ।

स्वास्थ्य कार्यालय सप्तरीका बरिष्ठ मलेरिया इन्सपेक्टर नारायणप्रसाद राउत बरैका अनुसा राजविराज वार्ड नम्बर ६ स्थित कारागारमा ३४ र ३५ वर्ष पुरुष गार्ड, र ४९, ६२, ३२, २५, २४, ६४, २५, ४०, २५ वर्षका कैदीबन्दीमा कोरोना पोजेटिभ पुष्टि भएको छ । यस अघि कारागारमा एक महिला, एक सवारी चालक, र छ जना पुरुष कैदीबन्दीमा कोरोना संक्रमण पुष्टि भएको कारागार प्रमुख संजयकुमार राजले जानकारी दिए । योसमेत गरी कारागारमा संक्रमतिको संख्या १९ जना पुगेको बताए ।

त्यस्तै राजविराज नगरपालिका वार्ड नम्बर ३ का ७१ वर्षीय पुरुष, वार्ड नम्बर ६ का २८ वर्षीय पुरुष र गजेन्द्र नारायण सिंह अस्पतालका ३३ र ३८ वर्षीया दुई जना महिलामा बिहीबार संक्रमण भेटिएको वरिष्ठ मलेरिया इन्सपेक्टर राउतले बताए ।

जिल्लाको कूल संक्रमतिमध्ये ६८२ जना निको भएर घर फर्किसकेको स्वास्थ्य कार्यालय सप्तरीका निमित प्रमुख दुनियालालले जानकारी दिए । हाल २८४ जना विभिन्न स्थानको आइसोलेसनमा उपचाररत रहेको उनले बताए । हालसम्म जिल्लामा आठ जना संक्रमितको मृत्यु भइसकेको छ ।