‘सत्र पुष्प पत्रहरु : हुर्कदै गर्दाका कथाहरु’ सार्वजनिक

३१ भदौ, काठमाडौं । भर्जिनियाका दोश्रो पुस्ताका किशोर किशोरी सुकृति शर्मा तथा साइमन शर्माका ‘सत्र पुष्प पत्रहरु : हुर्कदै गर्दाका कथाहरु’ नामक पुस्तक सार्वजनिक भएको छ ।

अमेरिकाको डिसी महानगर क्षेत्रको भर्जिनियामा बस्दै आएका दोश्रो पुस्ताका किशोरकिशोरी दिदी सुकृति शर्मा तथा भाई साइमन शर्माका ‘सत्र पुष्प पत्रहरु : हुर्कदै गर्दाका कथाहरु’ नामक पुस्तक सार्वजनिक भएको छ ।

यी लेखकहरुले ‘सत्र पुष्प पत्रहरुस् हुर्कदै गर्दाका कथाहरु’ नामक पुस्तक हालसालै लेखेका छन । यो पुस्तकलाई एमाजनले गत सेप्टेम्बर ९ देखि अग्रिम माँग ‘प्रि-अर्डर ‘का लागि खुला गरि सकेको छ । सेप्टेम्बर १५ आज देखि सार्वजनिक भएको छ ।

सुकृति शर्मा हाल फेयरफ्याक्स काउन्टीमा १२ कक्षामा अध्ययन गर्छिन भने साइमन शर्मा कक्षा ७ मा पढ्छन । सुकृतिका बिगतका लेखहरु अमेरिकाको राष्ट्रिय स्तरका पत्रिकामा समेत प्रकाशित भएका छन्। उनका लेखले पत्रपत्रिकामा बालबालिकाका मुद्दाहरु सफल रुपमा उठाएका छन ।