हुन्डाई ग्राण्ड आईटेन नियोस अब नेपालमा

१ असोज, काठमाडौं । नेपालको लागि हुन्डाई गाडीको आधिकारिक विक्रेता लक्ष्मी इन्टरकन्टिनेन्टल प्रा. लि.ले नयाँ उत्पादन हुन्डाई ग्राण्ड आईटेन नियोसलाई डिजिटल समारोहमार्फत सार्वजनिक गरेको छ ।

हुन्डाई ग्रान्ड आईटेन धेरै वर्षदेखि बजारमा सबैभन्दा मनपर्ने र प्रशंसा गरिएको कार मध्ये एक हो । अब यसको विरासतलाई अगाडि बढाउन, हुन्डार्ईले स्टाइलिस र थप विशेषताहरु भएको ग्रान्ड आईटेन नियोस बजारमा ल्याएको हो ।

हुन्डाई ग्राण्ड आईटेन नियोस Kappa Dual VTVT Technology मा आधारित १.२ लिटर पेट्रोल इन्जिनमा उपलव्ध छ । उत्कृष्ट प्रदर्शनका लागि ८३ PS/६००० RPM सर्वाधिक पावर दुबै म्यानुुअल तथा स्वचालित ट्रान्समिसन विकल्पहरुमा पाउन सकिने कम्पनीले जनाएको छ । ग्राण्ड आईटेन नियोसले 5–speed म्यानुअल र स्मार्ट अटो ATM दुबै किसिमको transmission मा उपलब्ध छन् ।

हुन्डाई ग्राण्ड आईटेन नियोसमा Glossy Black Radiator Grille, Boomerang आकारको एलईडी डीआरएल, स्टाइलिस टेल लैम्प, शार्क फिन एन्टेना र गन मेटल फिनिसका साथमा आकर्षक १४ inch alloy Wheel पाउन सकिन्छ । सडकमा फरक उपस्थितिको लागि हुन्डाई ग्राण्ड आईटेन नियोस पोलार ह्वाइट, टाइफुन सिल्भर, टाइटान ग्रे, फियरी रेड र आकुवा टिल जस्ता रंगहरुमा उपलब्ध रहेको जनाइएको छ ।

ग्राण्ड आईटेन नियोस यात्राका लागि एक उत्तम सवारी साधन मात्र नभई स्मार्ट साधन पनि हो । एप्पल कार प्ले, एन्ड्रोइड अटो र best-in-segment टच स्क्रिन इन्फोटिनमेन्ट सिस्टम (२०.२५ सी.एम.) का साथै रियर एसी भेन्ट जस्ता सुविधायुक्त ग्राण्ड आईटेन नियोसले आरामदायी यात्रा सुनिश्चित गर्दछ ।

सुरक्षित यात्राको निम्ती भने हुन्डाईले नियोसमा Strong Body Structure 65% (AHSS+HSS), Front Dual Airbags,सेन्सर भएकाे इबिडीका साथ Anti-lock Braking System, र Driver Rear View Monitor  प्रस्तुत गरेको छ ।

हुन्डाई ग्राण्ड आईटेन नियोसले नेपाली बजारमा आफनो छुट्टै पहिचान कायम गरि सफलतापूर्वक ग्राहकहरुको मन जित्नेमा कम्पनी विश्वस्त रहेको प्रेस विज्ञप्तीमार्फत जनाइएको छ । यो गाडीको सुरुवाती मूल्य रु ३० लाख ९६ हजार कायम गरिएको छ ।

लक्ष्मी इन्टरकन्टीनेन्टल प्रा. लि. ले नेपालभरी १३ शोरुमहरु तथा १७ सर्भिस सेन्टरहरुमार्फत ग्राहकहरुलाई सेवा प्रदान गरिरहेको छ । हुन्डाई मोटर कम्पनी विश्वकै ५ ठूला अटोमोवाईल उत्पादक मध्येमा पर्दछ । यस कम्पनीका उत्कृष्ट उत्पादनहरुले विश्वभरी करोडाैं ग्राहकहरुको मन तथा विस्वास जित्न सफल भएको छ ।