पञ्जाबले टस जित्यो, मुम्बई पहिले व्याटिङ गर्दै

१५ असोज, एजेन्सी । आईपीएल क्रिकेटमा पञ्जाबले टस जितेर फिल्डिङ गर्ने निर्णय लिएको छ । आईपीएल २०२० अन्तर्गत १३ औँ खेलमा पञ्जाबले टस जितेर फिल्डिङ रोजेपछि मुम्बईले व्याटिङ शुरु गरेको छ ।

पञ्जाबको कप्तानी लोकेश राहुलले गरेका छन् भने मुम्बईको कप्तानी रोहित शर्माले गरेका छन् । तीन खेलबाट दुई अंक मात्रै जोडेका पञ्जाब र मुम्बई क्रमशः पाँचौ र छैटौ स्थानमा छन् ।

दुबै टोलीले एक एक जित हात पार्दा दुई दुई खेल हारेका छन् । प्लेअफमा स्थान बनाउनका लागि दुबै टोलीलाई अबका खेलमा जित निकाल्नुपर्ने दबाब छ ।