एकै दिन मृत्यु भएका वृद्व दम्पतिको एउटै चितामा अन्तिम संस्कार

१७ कार्तिक, जनकपुरधाम । धनुषामा एकै दिन मृत्यु भएका वृद्व दम्पतिको एउटै चितामा अन्तिम संस्कार गरिएको छ ।  श्रीमान मरेको ५ मिनेटपछि एक वृद्व दम्पतिको पनि एकै दिन मृत्यु भएको हाे ।

जिल्लाको शहीद नगरपालिका–१ निवासी रामखेलाबन यादव र उनकी पत्नी सुमिन्त्रादेवीको सोमबार बिहान मृत्यु भएको हो ।  रामखेलाबन ९१ बर्षका थिए भने उनकी पत्नी ८८ बर्षकी थिइन् । मृतकका छोरा उपेन्द्रका अनुसार रामखेलाबनको मृत्यु भएको ५ मिनेटपछि उनकी पत्नीको पनि मृत्यु भएको हो ।

एक छोरा र चार छोरीका आमा–बुवा एकैपटक मृत्यु भएपछि स्थानीयले त्रेतायुगमा श्रवणकुमारका माता पिताले एकैपटक मृत्युवरण गरेको घटनालाई सम्झेका छन् ।  एकै दिन मृत्यु भएका दम्पतिको एउटै चितामा अन्तिम संस्कार गरिएको छ ।