र्यापरलाई पोर्न फिल्मको कमेन्ट्री गर्न १ मिलियन डलर अफर

२२ मंसिर, एजेन्सी ।  र्यापर स्नुप डग अन्तर्राष्ट्रिय रुपमा ख्याती कमाएका व्यक्ति हुन् । उनले केही समयअघि माइक टाइसन र रोय जोन्स जूनियको बक्सिङ फाइटको बेला कमेन्ट्री गरेका थिए । उनको यो कमेन्ट्री धेरै भाइरल पनि भएको थियो ।

यो बक्सिङ म्याचको बेला स्नुपका जोक्सलाई पनि उनका समर्थकहरुका अतिरिक्त धेरै खेलाडीहरुलाई पनि धेरै हँसाएको थियो । र यो सामाजिक सञ्जालमा उनको बारेमा कतै स्नुपले कमेन्ट्री पेशा नै अँगाल्ने त होइनन् भनेर उनको पेशाका बारेमा पनि चर्चा भएको थियो । उनी स्वयम्लाई पनि यसबारेमा अनौठा अनौठा अफरहरु आउन थालेका थिए ।

यस्तैमा अमेरिकाको एक बयस्कहरुको मनोरञ्जन कम्पनी आइएमलाइभले र्यापर स्नूपको कमेन्ट्रीबाट प्रभावित भई एक मिलियन डलरको अफर दिएको छ । त्यसमा उनले बेग्लै किसिमले कमेन्ट्री गर्नुपर्ने सर्त अघि सारिएको छ । उनलाई पोर्नको प्रत्यक्ष प्रशारण ‘लाइभ’ हेरेर लाइभ कमेन्ट्र गर्न अफर गरिएको थियो । त्यसमा दृष्टिबिहिनहरुका लागि भइरहेको घटनाका बारेमा आफ्नै प्रकारले भन्नुपर्ने सर्त राखिएको थियो ।

उक्त पोर्न साइटले स्नुप डगको एक खुला पत्रमा भनेको थियो, ‘आईएमलाइभमा हामी सधैं अलग सोचका लागि लोकप्रिय छौं । हाम्रा दृष्टिबिहिन साथीहरुका लागि आफ्नो बेग्लै प्रस्तुतिमा पोर्न र एडल्ट शो को कमेन्ट्री गरिदिए यी मानिसहरुको जीवनका लागि सबैभन्दा रमाइला अनुभवहरु मध्ये एक हुने थिए ।’

पत्रमा उनीहरुले एक मिलियन अमेरिकी डलरको अफर पनि गरेका थिए । कम्पनीले त्यसका लागि आफ्नै घर वा अन्यत्र जहाँबाट पनि कमेन्ट्र गर्न सक्ने बताएको थियो । स्नुपले भने अहिलेसम्म उक्त पत्रको बारेमा कुनै प्रतिक्रिया दिएका छैनन् ।