अनुसन्धान गर्ने निकाय कमजोर हुँदा पीडितले न्याय पाउन मुस्किल

धीरुभाइ

७ पुस सप्तरी । नेपाल बारको ६५ औं स्थापना दिवसको अवसरमा मंगलबार आयोजित परिचय तथा स्वागत कार्यक्रमका वक्ताहरुले न्याय सम्पादन कार्य जनअपेक्षा अनुरुप गर्न सकिएमा न्यायालयप्रति नागरिकको विश्वास अझै बढ्ने एक कार्यक्रमका वक्ताहरुले बताएका छन ।

मुद्दाका पक्ष र विपक्ष भन्दा प्रमाणका आधारमा न्याय सम्पादन गर्दा त्रुटिरहित नभएको जनगुनासो रहेको चर्चा गर्दै वक्ताहरुले मुद्दाको अनुसन्धान गर्ने निकायबाट कमजोर भएर प्रमाण आउँदा न्याय सम्पादन त्रुटिरहित हुन नसकेको बताएका छन । र, यसको सम्पूर्ण अपजस सिङ्गो न्यायपालिका (अदालत) उपर पर्ने गरेको उनीहरुको कथन थियो ।

सप्तरी जिल्ला अदालत बार इकाई राजविराजका अध्यक्ष डोमन साहको अध्यक्षतामा आयोजित सो कार्यक्रममा मानव अधिकार जनसरोकार समितिका संयोजक तथा अधिवक्ता मीना देवले फौजदारी मुद्दा अन्तर्गत पीडितको टाउँकोमा सात वटा टाँका लागेको हुन्छ, तर डाक्टर सामान्य भनेर लेखेर दिदा पीडितले न्याय पाउन साह्रै मुस्किल हुने गरेको बताए ।

यस्तो अवस्थामा अदालतले प्रमाणको आधारमा न्याय सम्पादन गर्दा पीडकको पक्षमा हुने बढी संभावना रहन्छ, उनले भने, यदि पीडकको पक्षमा न्याय दियो भने अपजस न्यायालय र न्यायाधीश उपर लाग्छ ।

संबैधानिक सर्वोच्चता, मानवअधिकारको रक्षा, विधिको शासनको स्थापना, स्वतन्त्र, निष्पक्ष न्यायपालिका, नेपाल बार एशोसिएशनको प्रतिबद्धता मूल नाराका साथ आयोजित कार्यक्रममा जिल्ला न्यायाधीश चन्द्रमणी ज्ञावाली, जिल्ला बारका पूर्व अध्यक्षहरु कृपा नारायण यादव, रामप्रसाद चौधरी, रामकुमार यादव, सुरेन्द्रप्रसाद यादव, प्रादेशिक कानूनी सहायता अधिकृत किरणकुमारी साह, अधिवक्ताहरु उदितनारायण यादव, शम्भुप्रसाद यादव, मनु खनाल, लगायतले न्याय सम्पादन कार्य छिटो छरितो गरेर नागरिकमा भएको भ्रमलाई चिर्न आवश्यक रहेको बताएका छन ।