बैंकर्स संघको उपाध्यक्षमा अनिल उपाध्याय चयन

१४ पुष, काठमाडौं । नेपाल बैंकर्स संघको उपाध्यक्षमा कृषि विकास बैंकका प्रमुख कार्यकारी अधिकृत अनिल उपाध्याय चयन भएका छन् । मंगलबार सम्पन्न बैंकर्स संघको साधारणसभाले रिक्त उपाध्यक्ष पदमा उपाध्यायलाई चयन गरेको हो ।

यसअघि नेपाल एसबीआई बैंकका प्रमुख कार्यकारी अधिकृत अनुकुल भाटनगर संघको उपाध्यक्ष थिए । उनी नेपाल एसबीआई छाडेर एसबीआई बैंक, भारत फर्किएपछि उपाध्यक्ष पद रिक्त थियो ।

उता कार्यसमिति सदस्यहरुमा नेपाल एसबीआई बैंकका प्रमुख कार्यकारी अधिकृत दीपककुमार डे र सन्तोष कोइराला चयन भएका छन् । दुई सदस्य पदहरु पनि लामो समयदेखि रिक्त थियो ।