नेपाली राष्ट्रिय क्रिकेट टिमको कतार भ्रमण स्थगित

१९ माघ, काठमाडौं । कतार र नेपालबीचको टी–२० सिरिज स्थगित भएको छ । फेब्रअुरी दोस्रो साताका लागि तय भएको नेपाल र कतारको टी–२० सिरिज स्थगित भएको हो ।

कतार क्रिकेट एसोसिएसनले कतार स्पोर्ट्स डेको अवसर पारेर नेपालसँग फ्रेबुअरी ९, १० र १२ मा टी–२० सिरिज राखेको थियो । तर कोभिड–१९ को असरका कारण कतार सरकारले कतार स्पोर्ट्स डेमा क्रिकेट लगायतका सबै प्रतियोगिता स्थगित गरेको छ ।

अर्को सूचना नभएसम्मका लागि राष्ट्रिय टिमको बन्द प्रशिक्षण स्थगित भएको क्रिकेट एशोसिएसन अफ नेपाल ‘क्यान’ले जनाएको छ ।

टी–२० सिरिजका लागि क्यानले १८ खेलाडीलाई बन्द प्रशिक्षणमा बोलाएको थियो भने आज सोमबारदेखि त्रिवि क्रिकेट मैदान, कीर्तिपुरमा प्रशिक्षण सुरु गर्ने बताएको थियो ।