जीवन विकास लघुवित्तको आईपीओ निष्कासन गर्ने, इक्राले दियो ‘इक्रा आइआर बीबीबी माइनस’ रेटिङ

२७ फागुन, काठमाडौं । जीवन विकास लघुवित्त वित्तीय संस्था लिमिटेडले आईपीओ निष्कासन गर्ने भएको छ । संस्थाले १९ लाख बित आईपीओ निष्कासन गर्ने भएको हो । संस्थाले निष्कासन गर्ने उक्त आईपीओको लागि रेटिङ सम्पन्न भएको छ ।

संस्थाको आईपीओलाई रेटिङ एजेन्सी इक्रा नेपालले ‘इक्रा आइआर बीबीबी माइनस’ रेटिङ प्रदान गरेको छ । यस रेटिङले कम्पनी समयमा वित्तीय दायित्व पूरा गर्ने सम्बन्धमा मध्यम जोखिम रहेको संकेत गर्दछ ।

संस्थाले १९ करोड ७७ लाख ३० हजार रूपैयाँ बराबरको १९ लाख ७७ हजार ३ सय कित्ता आईपीओ निष्कासन तथा बिक्री खुल्ला गर्नका लागि फागुन १७ गते, सोमबार सेबोनमा निवेदन पेश गरेको छ । संस्थाको आईपीओ निष्कासन तथा बिक्री प्रबन्धकको काम एनएमबि क्यापिटल लिमिटेडले गर्नेछ ।