इसानले बनाए नयाँ रेकर्ड

०२ चैत, काठमाडौं । इंग्ल्याण्डविरुद्धको टी-२० सिरिजको दोस्रो खेलमा भारत ७ विकेटले विजयी भएको छ ।

इंग्ल्याण्डले दिएको १ सय ६५ रनको लक्ष्य भारतले १७.५ ओभरमा तीन विकेट गुमाएर भेट्टायो ।

उसका लागि कप्तान विराट कोहली र इशान किशनले अर्धशतकीय पारी खेले । विराटले ४९ बलमा पाँच चौका र तीन छक्कासहित अविजित ७३ तथा इशानलले ३२ बलमा चार छक्का र पाँच चौकासहित ५६ रनको योगदान दिए । इशानको यो डेब्यू म्याच हो ।

त्यस्तै, ऋषभ पन्तले २६ र श्रेयस अय्यरले अविजित ८ रन बनाए । बलिङमा साम करन, क्रिस जोर्डन र आदिल रशिदले एकएक विकेट लिए ।

त्यसअघि, टस हारेर ब्याटिङको मौका पाएको इंग्ल्याण्डले निर्धारित २० ओभरमा ६ विकेट गुमाएर १ सय ६५ रन बनायो ।

उसका लागि जेसन रोयले ४६, कप्तान इयोन मोर्गनले २८, डेविड मलान र बेन स्टोक्सले २४/२४ रन बनाए ।

बलिङमा वासिङ्टन सुन्दर, शार्दुल ठाकुरले २र२, भुवनेश्वर कुमार र युजवेन्द्र चहलले एकरएक विकेट लिए ।

आजको खेलसँगै जितेसँगै पाँच खेलको सिरिज भारतले १/१ को बराबरीमा ल्याएको छ । पहिलो खेलमा भारत ८ विकेटले पराजित भएको थियो ।

इसानले बनाए नयाँ कीर्तिमान

अन्तर्राष्ट्रिय टी-२० मा इसानले नयाँ रेकर्ड बनाएका छन् । अन्तर्राष्टिय टी-२० डेब्यू म्याचमा इसानले अर्धशतक बनाएर नयाँ रेकर्ड बनाएका छन् । यस अघि भारतीय खेलाडी आजिक्के राहाणेले अन्तर्राष्टिय टी-२० डेब्यू म्याचमा अर्धशतक बनाएका थिए।

इसान अन्तर्राष्टिय टी-२० डेब्यू म्याचमा अर्धशतक बनाउने दोस्रो भारतीय खेलाडी बनेका छन् । इसानले डेब्यू म्याचको पहिलो बलमा चौका हर्काएका हुन् ।