विशेष अदालतमा प्रभु बैंकको काउण्टर संचालन

५ वैशाख, काठमाडौं । विशेष अदालत काठमाडौंमा प्रभु बैंक लिमिटेडको एक्स्टेन्सन काउण्टर सञ्चालनमा आएको छ ।

प्रभु बैंकले आफ्नो सेवाविस्तार गर्ने क्रममा काठमाडौं जिल्लाको काठमाडौं महानगरपालिका स्थित वडा नं ११ मा रहेको बिशेष अदालतमा एक्स्टेन्सन काउण्टर सञ्चालनमा ल्याएको जनाएको छ ।

सो स्थानमा स्थापित एक्स्टेन्सन काउण्टरको २०७८ बैशाख ३ गतेदेखि कारोबार सुरु भएको हो । अदालत परिसरभित्र रहेको बैंकको काउण्टर माननिय न्यायाधीश श्री प्रेमराज कार्कीले एक समारोहकाविच समुद्घाटन गरेका थिए ।

नेपाल राष्ट्र बैंक तथा अन्य सम्बन्धित निकायसँग समन्वय गरी विभिन्न सरकारी निकायहरुको बैंकिङ्ग कारोबार प्रभावकारी रुपमा सञ्चालन गरिरहेको प्रभु बैंकले बिशेष अदालत काठमाडौंमा पनि आफ्नो सेवा विस्तार गर्न सफल भएको छ ।

प्रभु बैंकको एक्स्टेन्सन काउण्टरबाट सम्बन्धित अदालतमा आउने सेवाग्राहीहरुलाई रकम जम्मा गर्न र बिशेष अदालतको काम गर्न सहज र सरल हुने भएको छ । प्रभु बैंकको एक्स्टेन्सन काउण्टरबाट प्रवाह गरिने बैंकिङ्ग सेवाबाट स्थानीयबासी तथा सेवाग्राहीहरुले बैंकको गुणस्तरीय बैंकिङ्ग सेवा उपभोग गरी लाभान्वित हुने बैंकले विश्वास लिएको छ ।

बैंकले २१३ वटा शाखाकार्यालय, १८९ वटा ATM, ५९ वटा एक्स्टेन्सन काउण्टर तथा २ वटा शाखा रहित बैंकिङ्ग सेवामार्पmत् अत्याधुनिक प्रविधियुक्त गुणस्तरीय बैंकिङ्ग सेवा प्रवाह गरिरहेको दाबी गरेको छ ।