राजविराज विमानस्थल दुई साताका लागि बन्द

१० बैशाख, काठमाडौं । राजविराज विमानस्थलमा दुई साता लागि बन्द गरिएको छ। विमानस्थलको धावनमार्ग ओभ-ले गर्न उडान बन्द गरिएको नागरिक उड्डयन प्राधिकरणले जनाएको छ।

यो गन्तव्यमा निजी क्षेत्रको वायुसेवा कम्पनी बुद्ध एयरले दैनिक एटीआर-४२ जहाजमार्फत नियमित उडान गर्दै आएको छ। प्राधिकरणले प्रत्येक चारदेखि पाँच वर्षको अन्तरालमा विभिन्न गन्तव्यको धावनमार्गको ओभर(ले गर्दै आएको छ । जसअन्तर्गत अहिले विमानस्थलहरुको धावनमार्गहरु अवस्थाअनुसार ओभर-ले गरिँदै आइएको छ।

प्राधिकरणका अनुसार हिम सगरमाथा सम जेभीले लिएको यो ठेक्का नौ करोड रुपैयाँको छ। सन् १९६० मा निर्माण गरिएको राजबिराज विमानस्थलको लम्बाई १५ सय मिटर र चौडाइ ३० मिटर छ। यो विमानस्थल निर्माणलगत्तैपछि बीचमा लामो समय प्रयोगविहीन थियो। सञ्चालनका लागि आवाज उठेपछि पुनः प्रयोगमा आएको हो।