सिद्धिकीको निधनले पार्टीलाई अपुरणीय क्षतिः पौंडेल

१२ बैशाख, काठमाडौं । नेपाली कांग्रेस बरिष्ठ नेता रामचन्द्र पौडेलले संविधान सभा सदस्य मोहम्मद सिद्धिकी निधन प्रति गहिरो दुःख ब्यक्त गरेका छन् । नेपाली कांग्रेसका तर्फबाट संविधान सभा सदस्य मोहम्मद सिद्धिकीको कोभिड सक्रमणका कारण नेपालगंजमा गएराति निधन भएको हो ।

सामाजिक संजाल फेसबुकमा पौडेलले नेपाली कांग्रेसका तर्फबाट संविधान सभा सदस्य मोहम्मद सिद्धिकीको दुःखद निधनको खबरले अत्यन्तै स्तब्ध भएको उल्लेख गरेका छन् ।

“जनताको सेवा लाई आफ्नो कर्तव्य सम्झी सधै जनताको सेवामा अनवरत लागी रहने मोहम्मद सिद्धिकीको निधनले नेपाली कांग्रेस पार्टी र सिङ्गो बाँके कांग्रेसलाई अपुरणीय क्षति पुगेको छ । यस दुःखद घडीमा दिवंगत आत्माको चीरशान्तिको कामना गर्दै शोकाकुल परिवारजनमा गहिरो समवेदना प्रकट गर्दछु।” नेता पौडेलले फेसबुकमा लेखेका छन् ।