स्ट्याण्डर्ड चार्टर्ड बैंकको मुनाफा ३४ प्रतिशतले घट्यो, अधिकांश सूचक नकारात्मक

१५ बैशाख, काठमाडौं । स्ट्याण्डर्ड चार्टर्ड बैंकले चालु आर्थिक वर्षको तेस्रो त्रैमासमा ३४ प्रतिशतले नाफा घटेको वित्तीय विवरण सार्वजानिक गरेको छ।

गत आर्थिक वर्षको तेस्रो त्रैमासमा १ अर्ब ८० करोड रुपैयाँ नाफा कमाए थियो । तेस्रो त्रैमाससम्ममा बैंकले १ अर्ब १८ करोड रुपैयाँ मुनाफा गरेको छ । जुन गत वर्षको तुलनामा ३४.३४ प्रतिशतले कम हो।

यस अवधिमा बैंकको ब्याज आम्दानी सञ्चालन आम्दानी लगायतका अन्य किसिमका आम्दानीहरुमा समेत गिरावट देखिएको छ ।

यस अवधिमा बैंकको ब्याज आम्दानी ३३.०८ प्रतिशतले घटेर १ अर्ब ८३ करोड रुपैयाँमा झरेको छ भने सञ्चालन नाफा पनि ३४ प्रतिशतले घटेको छ।

समीक्षा अवधिमा बैंकको निक्षेप संकलन नै १७ प्रतिशतभन्दा धेरैले घटेको छ। कर्जा लगानी भने १४ प्रतिशतले बढेको छ।

हाल ८ अर्ब ५७ करोड रुपैयाँ चुक्ता पूँजी रहेको बैंकको जगेडामा ५ अर्ब ७० करोड रुपैयाँ छ। बैंकको प्रतिशेयर आम्दानी ३० रुपैयाँबाट घटेर १८ रुपैयाँमा झरेको छ भने प्रतिशेयर नेटवर्थ १८६ रुपैयाँ रहेको छ।