मेगा बैंकको गर्यो १ अर्ब ९७ करोड मुनाफा, नेटवर्थ कति ?

१५ बैंशाख, काठमाडौं । मेगा बैंकले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । बैंकले सार्वजनिक गरेको विवरणका अनुसार तेस्रो त्रैमासम्म बैंकले १ अर्ब ९७ करोड रुपैयाँ मुनाफा गरेको छ ।

गत आर्थिक वर्षमा बैंकले १ अर्ब ४५ करोड रुपैयाँ मुनाफा गरेको थियो । जुन गत वर्षको तुलनामा यो वर्ष ३५.९४ प्रतिशतले बढी हो । चैत मसान्तसम्म आइपुग्दा बैंकको वितरणयोग्य नाफा १८२.२०% ले बढेर १ अर्ब २९ करोड ७७ लाख ३० हजार रुपैयाँ पुगेको छ ।

अघिल्लो वर्ष बैंकको वितरणयोग्य नाफा ४५ करोड ९८ लाख ४७ हजार रुपैयाँ थियो । ब्याज आम्दानी २८.४२% ले बढेर ४ अर्ब ८ करोड ८२ लाख १७ हजार रुपैयाँ पुगेको छ ।

सञ्चालन नाफा पनि ३३.३३% ले बढेर २ अर्ब ७७ करोड २ लाख ३ हजार रुपैयाँ पुगेको छ । चैत मसान्तसम्म आइपुग्दा मेगा बैंकको प्रतिसेयर आम्दानी १८ रुपैयाँ १९ पैसा र प्रतिसेयर नेटवर्थ १३६ रुपैयाँ ४१ पैसा छ ।