लक्ष्मी बैंकको ब्याज आम्दानी घटेपनि १८ प्रतिशतले बढ्यो मुनाफा, प्रतिशेयर आम्दानी कति ?

१५ बैशाख, काठमाडौं । लक्ष्मी बैंकले चालु आर्थिक वर्षको तेस्रो त्रैमासमा १८ प्रतिशतले नाफा बढेको वित्तीय विवरण सार्वजानिक गरेको छ।गत आर्थिक वर्षको तेस्रो त्रैमासमा १ अर्ब ८ करोड रुपैयाँ मुनाफा गरेको थियो । तेस्रो त्रैमासम्ममा १ अर्ब २८ करोड रुपैयाँ मुनाफा गरेको छ । जुन गत वर्षको तुलनामा १८.१८ प्रतिशतले धेरै हो।

यस अवधिमा बैंकको ब्याज आम्दानी घटेको छ । यस अवधिमा बैंकको खुद ब्याज आम्दानी ०९.८८ प्रतिशतले घटेर २ अर्ब ३५ करोड पुगेको छ भने सञ्चालन नाफा १५.६९ प्रतिशतले बढेको छ। समिक्षा अवधिमा बैंकको निक्षेप संकलन ८ प्रतिशतले बढेको छ भने कर्जा लगानी १६ प्रतिशतले बढेको छ।

हाल १० अर्ब ६९ करोड रुपैयाँ चुक्ता पूँजी रहेको बैंकको जगेडामा ४ अर्ब ८ करोड रुपैयाँ छ। बैंकको प्रतिशेयर आम्दानी १४ रुपैयाँबाट बढेर १६ रुपैयाँ पुगेको छ भने प्रतिशेयर नेटवर्थ १५२ रुपैयाँ रहेको छ। बैंकले खराब कर्जामा पनि १.७८ प्रतिशतबाट घटेर ०.७१ प्रतिशतमा झरेको छ।