निषेधाज्ञाको समयमा बैंकहरू दैनिक ४ घण्टा मात्र खुल्ने

१५ बैशाख, काठमाडौं । काठमाडौं उपत्यकासहित निषेधाज्ञा जारी भएका जिल्लाका बैंक तथा वित्तीय संस्थाहरु दिनमा चार घण्टा मात्र खुला हुने भएका छन्। राष्ट्र बैंक र बैंकरबीच बुधबार भएको छलफलका क्रममा बिहान १० बजेदेखि दिउँसो २ बजेसम्म शाखा खोल्ने सहमति भएको हाे ।

केही दिन  संक्रमणको अवस्था र ग्राहकको भीड हेरेपछि साेहीलाई आधार मानेर आवश्यक निर्णय लिइने जनाइएको छ । सरकारले काठमाडौं, ललितपुर, भक्तपुरसहित देशभरका दर्जन जिल्लामा निषेधाज्ञा लगाउने निर्णय गरेको छ । बैंकका सबै एटीएम सञ्चालन हुने छन् । शाखा पनि सबै खुल्ने छन्।