निषेधाज्ञा जारी भएपछि महालक्ष्मी विकास बैंकले सार्वजनीक गर्यो स्टाफको नाम र नम्बर

१६ वैशाख, काठमाडौं । महालक्ष्मी विकास बैंकले बैंकको १०३ वटा शाखाहरुबाट सेवा लिईरहेका ग्राहकहरुको हितलाई ध्यानमा राखी बैंकको सम्पर्क व्यक्तिहरुको मोवाईल नम्बर सार्वजनिक गरेको छ । बैंकमा कार्यरत कर्मचारीहरुलाई सिधै सम्पर्क गरेर सेवा लिनका लागि सेवा ग्राहीलाई सजिलो होस् भन्ने उद्देश्यले नम्बर सार्वजनिक गरेको बैंकले जनाएको छ ।

निषेधाज्ञाको अवधीभर बैंकिङ्ग कारोबार सहज र सुरक्षित तवरले उपलब्ध गराउने उद्देश्यले “ग्राहक समन्वयकर्ता“हरुको व्यवस्था गरेको बैंकले जनाएको छ ।

समन्वयकर्ताहरुले ग्राहकहरुको बैंकिङ्ग सेवा सम्बन्धी कुनै पनि जिज्ञासा तथा गुनासोलाई सम्बन्धित शाखाहरुसँग समन्वय गरी यथाशिघ्र सेवा उपलब्ध गराउने बैंकका निमित्त कार्यकारी प्रमुख दिपेश लम्सालले बताए । यसका साथै यस अबधिमा संक्रमण कम गर्नका लागी डिजिटल बैकिङ्ग अन्तर्गत मोबाईल बैकिङ्ग, इन्टरनेट बैकिङ्ग, क्यूआर कोड तथा कनेक्ट आईपीएस जस्ता सुबिधाहरु प्रयोग गरी सुरक्षित रहन बैंकले हार्दिक अपिल समेत गरेको छ ।

केन्द्रीय कार्यालय तथा विभिन्न शाखाहरुको समन्वयकर्ताहरुको विबरण तथा सम्पर्क नम्बरहरु तल उल्लेख गरीएअनुसार रहेन छ :