निर्वाचनका लागि राष्ट्रिय सरकार गठन गर्न भट्टराईको प्रस्ताव

२९ बैशाख, काठमाडौं । जनता समाजवादी पार्टी (जसपा) नेपाल संघीय परिषद् अध्यक्ष एव पूर्व प्रधानमन्त्री डा. बाबुराम भट्टराईले बहुमतीय सरकार नबन्ने संकेत गर्दै चुनावी सरकार गठनका  लागि संयुक्त राष्ट्रिय सरकार गठनको प्रस्ताव गरेका छन् ।  सामाजिक संजाल मार्फत पूर्व प्रधानमन्त्री भटराईले यस अघि प्रधानमन्त्री भइसकेका बाहेकको जो कसैको नेतृत्वमा चुनाव गराउन राष्ट्रिय सरकार बनाउने प्रस्ताव गरेका हुन।।

‘देशको संकट हल गर्न यसो गरौं: १. धारा७६(२) बमोजिम सबै दलको सहभागिता र वर्तमान/पूर्व प्रम बाहेककाको नेतृत्वमा राष्ट्रिय सरकार बनाऔं २. दलका प्रमुख/पूर्व प्रम रहेको निर्देशक समिति, ३. साझा न्यूनतम कार्यक्रम (कोभिड नियन्त्रण, टीआरसी/मुद्दा, संविधान संशोधन, आर्थिक राहत इ.) लागू ४. १ वर्षभित्र चुनाव !’ भट्टराईले लेखेका छन् ।

भटराइको राखेको प्रस्ताव कार्यान्वयन हुने संभावना भने बढेको देखिन्छ । जसपाको महन्थ ठाकुर पक्ष तटस्थ बस्दा बहुमतिय सरकार बन्न नसक्ने अवस्था सृजना भएको छ । संसदमा सवैभन्दा बढी  सीट भएको दल नेकपा एमालेका संसदीय दलका नेता केपी शर्मा ओली पुन प्रधानमन्त्री बन्दा पनि विश्वासको मत लिन नसक्ने अवस्था देखिएकाले त्यसपछि मुलुकमा संविधानको धारा ७६ ४ अनुसारको सरकार गठनमा जाने देखिएको छ। त्यो भनेको दलहरु बीच कुनै सांसदलाई प्रधानमन्त्री बनाउन सहमती निर्माण भई  ब्याक्तीगत रुपमा कुनैं  सांसदले  आफु प्रधानमन्त्री बन्न बहुमत दावी गरेको  खण्डमा भटराईले भने जस्तै राष्ट्रिय सरकारो गठन हुन सक्छ ।