विद्युतीय गाडी किन्न सरकारको प्रोत्साहन, नवीकरण र सडक दस्तुरमा छुट

१६ जेठ, काठमाडौं । सरकारले विद्युतीय सवारी साधन प्रोत्साहन गर्न पाँच वर्षसम्म नवीकरण शुल्क र सडक दस्तुर छुट दिने भएको छ। अर्थमन्त्री विष्णु पौडेलले आर्थिक वर्ष २०७८/७९को बजेट प्रस्तुत गर्दै यो छुट दिने घोषणा गरेका हुन्।

सरकारले आगामी दश वर्ष भित्र पेट्रोलियम पदार्थबाट चल्ने हलुका सवारी साधनलाई विद्युतीय सवारी साधनले विस्थापित गर्ने रणनीतिक योजना कार्यान्वयनमा ल्याउने बजेटमा उल्लेख छ।

यसका लागि विज्ञसहितको कार्यदल गठन गर्ने बजेटमा छ। यो वाहेक विद्युतीय सवारी साधन स्वदेशमै उत्पादनका लागि विश्वका टप टेन कम्पनीलाई नेपालमा लगानीका लागि आकर्षित गर्ने बजेटमा उल्लेख छ।